Isaya 30:2 - Bhiblia Yo Sawuleka

² Va relelako veya Egipta, na va si wotisi txilo kwangu, kasi kuya ti tsanisa ngu mtamo wa Faro, ni kuveka themba yawe ka mtsudi wa Egipta!

Isaya 30:2 Referans Kwoze

Isaya 36:6

Na ti wona taku u themba ndonga yile ya litshava lo funyeka, i ku Egipta, aha kaku m'thu a txo khigetela ka lona, li na mthola dianza, li dhoda ka dimwani didhawa; ngu toneto nene Faro, mfumeli wa Egipta, ka votshe vale va mthembako.

Jeremiya 43:7

Se va to wulela ditikoni ka Egipta, nguko kha va engisa dipswi da Mkoma ka Jeremiya, va to hoka Tafinesi.

Mitengo 27:21

Se a na vekwa masoni ka Eleyazari, mphaxeli wu ni no mtisa ka Urime, masoni ka Mkoma; nga ti a nga womba, va na huma; ni ku nga ti a nga ti womba ve wulela, ene ni votshe vanana va ka Israyeli, ni wosthe msengeletano.

Sidilo 4:20

Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.

Jeremiya 42:20

Nguko anu mipune mi ti kanganyisile, mbimo yile mi nga ni ruma ka Mkoma, Txizimu txanu, mi txi: Hi kombelele ka Mkoma, Txizimu txathu, u nata hi gelisa toneto, hi na maha;

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Jeremiya 37:5

Yimbi ya Faro yi to huma ngu Egipta, sekoko Vakaldheya ava va nga ranganyeta Jerusalema, ngako va ti ti pfite va to khukha Jerusalema.

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

Isaya 36:9

U ndi na mahisa kutxani, kutshemberisa khohe ka mthangeli mmweyo dwe wam'dotho, ka sithumi sa nyamne wangu, u themba Egipta, ngu mhaka ya sikotxikani ni vagadhi va mahantxhi kani?

Isaya 18:1

Dikhombo ka ditiko di di mahako mtsudi ngu tibhapi ta dona, adi di ku mtxhatuko ka minambo ya Etiyopiya!

Isaya 16:3

Teka wudhota, hi mahele wululamo, se veka mtsudi wako ni mitshikari wu txi nga wusiku; sisa vale vo tovelwa, u nga ningele vale va tutumako.

2 Vafumeli 17:4

Hambi keto, mfumeli wa Asiriya a mani txikungo txa Hoseya, nguko a ti rumete mitumi ka So, mfumeli wa Egipta, asi ngadi e luva kambe ka mfumeli wa Asiriya dilembe ni dilembe, nga kale; sekoko mfumeli wa Asiriya a to mkhotela mkorani.

1 Vafumeli 22:7

Aniko Josafati a to khene: Ina kha ku nga ni mmwani mprofeti wa Mkoma, waku hi nga wotisa kwakwe kambe kani?

Valamuli 9:15

Se txikaye txi to womba ka mindonga yotshe txi txi kha txona: Ngako ngu ditshuri mi txi ni tota mafura kasi ku ni txi fuma txitimwi kwanu, ngonani mi ta sisala mtsundini kwangu. Ngako i si nga tona, wu na hume mndilo ngu ka txikaye, wu txi ta hisa mikedhari ya Libhanoni!

Joxuwa 9:14

Sekoko va ka Israyeli va to teka timbuva ta va ka Gibheyoni, aniko kha va kombela wusungukati ka Mkoma.

Dhewuteronome 28:68

Mkoma a na mi tshumeta mi tsula Egipta ngu ngalava, ngu nzila yile ni nga mi gela ni txi khani: “Khu na mbiswa u txi yi wona kambe!” Koneyo, mi na ya ti xayisa, vavamna ni vavasikati ka valala vanu, kasi ku mi maha tikhumbi, aniko kha ku na mbi maneka wo mi xava.

2 Vafumeli 18:21

Na ti wona to u themba mtxheketelo wule wa litshava lo funyeka, kona Egipta, aha kaku m'thu a txo khigetela ka lona, li na mthola manzani li dhoda ka dimwani didhawa; ngu nga toneto nene Faro mfumeli wa Egipta, ka vale va mthembako.

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

Jeremiya 2:18

U tsimbilela txani ngu nzila ya Egipta, kuya sela mati a Nilo kani? U tsimbilela txani ngu nzila ya Asiriya kuya sela mati a mnambo kani?

Jeremiya 42:14

Mi txi khanu: Athu hi na tsula ditikoni ka Egipta, amu hi no mbi wona yimbi, kha hi na mbi pfa kuvetwa ka mpundu, hambi kupfa nzala ya sakudya, hi na ya zumba koneyo.

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Hoseya 8:9

Nguko vakwelete veya Asiriya, ku nga mbongola ya txitinga, yi ku yokha; kambe Efrayime a xavile sirandwa.

Hoseya 8:10

Hambi keto, hambi va txi rumela sihiwa ka mamwani matiko, ani ni na va sengeleta; se va khatile kuguma ngu mhaka ya mrwalo wa mfumeli wa vathangeli.