Isaya 30:16 - Bhiblia Yo Sawuleka

¹⁶ Aniko mi khanu: Ahim-him; hi na tutuma ngu mahantxhi; hambiko mi na tutuma; kambe mi khanu: Hi na gadha mahantxhi a livilo; ngu mhaka yeto, vatutumisi vanu, va na va ni livilo.

Isaya 30:16 Referans Kwoze

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Isaya 31:3

Nguko Vaegipta mbathu, hi nga Txizimu, ni mahantxhi awe i nyama, hi nga moya. Se mbimo yi Mkoma a no guleta diwoko dakwe, votshe va na wa hahatshi, m'vhuni ni wu a vhunwako, votshe va na loviswa kumweko.

Habhakuki 1:8

Mahantxhi awe ma tutuma ngutu kupinda singoko, kambe mani tshofu ngutu ni wusiku kupinda maxolwa; vagadhi va ona va hangalaka ka otshe madhawa, ina, vagadhi va ona va nata ngu kule, va na puruma nga magama ma txi tutumela sakudya.

Mika 1:13

Sunga sihari sa sidotho aha ka txikotxikani, awe u zumbako Lakisi (aawa ngu ona makhato a txionho txa mwanana wa dihorana wa Siyoni), nguko kuta ngu kwako, kuhambunyeta ka Israyeli.

Amosi 9:1

Ni woni Mkoma a nga ti emeli hafuhi ni txiluvelo se a txi ni gela a txi khene: Peka txitimwi ka tiphande u dekadekisa matimba otshe, sotshe u si maha sikhwemu txitimwi ka misungo ya votshe; se ani ni na va daya ngu ditxhari kala ka wo gwitisa khawe; a wu a ku na tutuma kwawe, kha na mbi huluka, hambi wu a no huluka kha na mbi hanya.

Sidilo 4:19

Avale va hi tovelisako va ni livilo, va siya ni sinyana sa nzuma; ve hi tovela mimangoni, va txi hi zingela, txiwulani.

Jeremiya 52:7

ku to tuleka lisoko lo kari didhoropani, se votshe valwi va yimbi va to thava, ve huma ni wusiku, ngu nzila ya txike, hagari ka maguma mabidi ma nga txi maneka thembweni ka mfumeli (nguko Vakaldheya va txi lwa ni didhoropa), va tutumile ngu nzila ya mkovani.

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”

Masalmo 147:10

Kha tsakiswi ngu mtamo wa dihantxhi hambi kutsaka ngu txikuluveta txa wamwamna.

Masalmo 33:17

Mahantxhi a yimbi kha ma vhuni m'thu kuxula; ona kha ma hanyisi ngu mtamo wa ona wa hombe.

Dhewuteronome 28:49

Mkoma a na ku tisela mfumo wa kuta ngu kule, mfumo wa magwito ka mafu, awule wu nota ngu kupuruma nga ngungwa, mfumo wu wu wombawombako ngu lidimi li awe u si li ziviko.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

2 Vafumeli 25:5

Hambi keto, masotxhwa ma to londisa mfumeli kala me ya mmanela tibalani ka Jeriko; se masotxhwa akwe otshe ma to hangalaka.

Isaya 2:7

Se ditiko dawe di tate ngu silivhela ni nzalama; thomba ya dona kha yi gumi; na kona ditiko dawe di tate ngu mahantxhi, sikotxikani sawe kha si gumi.

Jeremiya 39:4

Ku ti ngako Zedhekiya mfumeli wa ka Judha, ni votshe valwi va yimbi va di va wonile, va to pfodola ve huma didhoropani ni wusiku, ngu nzila ya thembweni ka mfumeli, ngu ka txike txi txi ku hagari ka maguma mambidi, ve huma ngu nzila ya Arabha.

Jeremiya 46:6

Hambi va livilo kha va ti koti kututuma, tindena kha ti huluki, va thavete didhawa da Wuphemba, hafuhi ni likasa la mnambo wa Ewufrate, va humbilwe va txi wa.

Jobe 39:11

Mwendo u nga themba nyari, ngu mtamo wa yona wa hombe, mwendo u nga yi ninga mthumo wako kani?