Isaya 30:13 - Bhiblia Yo Sawuleka

¹³ Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.

Isaya 30:13 Referans Kwoze

Isaya 29:5

Se kutala ka valala vako, ku na fana ni lithulu lo hehuka, ni kutala ka sidayi, nga m'vhutunga wu wu pindako; eto ti na maheka ngu mbimo ya txikavikavi.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Masalmo 62:3

Mi na gwita mbimo muni kuwukela m'thu kasi ku m'daya, ene wu a fanako ni diseta di di lavako kuwa mwendo ku nga diguma da marumbini kani?

1 Vafumeli 20:30

Se avale va nga huluka va to thavela kuya didhoropani ka Afeki; se diguma di towa txitimwi ka 27.000 wa vavamna va va nga ti sate. Bheni-Hadhadhe koko, a to thavela kuya didhoropani, a txi sisala ka nyumba ni nyumba.

Luka 6:49

Aniko awu a engisako mapswi angu, asi ma thumisi, a fana ni m'thu wu a nga aka nyumba yakwe ha divhunyeni, yi si na makhato; ngako mtalo wa mati wu txi yi peka, yi kuluveta kuwa, se kulova ka nyumba yiya ku txi va i di ka manyala.”

Matewu 7:27

Se nzuma yi nite, minambo yi tala kuva ni ndambi, txingulu txi peka ngu mtamo txitimwi ka nyumba yile, se yona yi khundumuka yi txi wa. Kuwa ka yona yi wisa manyala.”

Jobe 36:18

Ti wonele ti to u si henyi kupinda mpimo, u nga xengwe ngu kutalelwa ngu silo.

Masalmo 62:4

Mi alakanya wurena dwe mi thumisa makuhu kufela kudaya. Ma dhumisa ngu txisofu txanu, aniko ngu mbilu ma ruketela.

Mavingu 6:15

Ngu kumaha keto, kukhundumuswa kwakwe ku nata ngu txidhukisa; a na funyeletelwa ngu txikavikavi, ku si maneki ni kukalamuka.

Isaya 22:14

Aniko Mkoma wa Mabutho a Tiyimbi, a wombile tinzeveni kwangu a txi khene: Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

Isaya 47:11

Ngu kumaha keto, txitimwi kwako, ku nata dikhombo, di u no mbi ziva mu di tako ngu kona, se kuhaxulwa ko ngeko, ku nata txitimwi kwako, kambe khu na mbi sikota ku kuretha; nguko ku nata tximwi kwako ngu txidhukisa, kuxasela ka txihuhuri, kaku khu na mbi sikota ku kuziva.

Isaya 48:3

Ni zivisile kukhukhela kale timhaka to khata; ina, txisofu txangu txi ti wombile, se ani ni ti mahile ti pfala; ngu kukuluveta ni ti mahile, kambe ti pindile.

Isaya 58:12

Se avale va no huma ngu kwako, va na wusa makhalo a marumbi a kale; kambe u na wusa makhato a liveleko ni liveleko, se va na ku dhana taku u mlulamisi wa mule ko sakala, ni muwusi wa tisoko ta vazumbi va ditikoni.

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.