Isaya 3:9 - Bhiblia Yo Sawuleka

⁹ Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Isaya 3:9 Referans Kwoze

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Ezekhiyele 23:16

Se Oholibha a to randana navo, mbimo yi a nga va wona, a to rumela mtumi kwawe kona Kaldheya.

Sidilo 5:16

M'bhoti wa ha msungo kwathu wu wite! Se hi na txani, nguko hi onhile!

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Isaya 3:16

Mkoma a to womba kambe a txi khene: Nguko mahorana a Siyoni ma ti kulisa, ma tsimbila ma di emisile tithamo ta ona, ma wonisa kugwilika, ma tsimbilisa ku nga mo sinya, se ma di ambate masinda minengeni.

Mavingu 30:13

Ku ni liveleko lo ti wona li ti gulekile, ni timboni ta kona ti kombako txitimwi.

Mavingu 8:36

Se wule a no ni onhela, a na lwisa muhefemulo wakwe apune, votshe vale va ni vengako, va randa kufa.

Masalmo 10:4

Kutikulisani kwakwe m'thu wo biha kha khatali ngu Mkoma, a khene: “Txizimu kha txi mahi txilo ngu kuhenya ka txona.” Ene a pimisa tito; Txizimu kha txi nga ho.

2 Vafumeli 9:30

Se Jehu a to ta Jezireyeli, eho mbimo yile a nga tipfa Jezabheli a to ti pendetela madhawani ka maso, e tshurisela msungo wakwe, se e solela ngu difasitela.

1 Samuwele 15:32

Sekoko Samuwele a to khene: Tisani Agage ahawa, mfumeli wa Vaamaleki. Se Agage a toya kwakwe a di tsakile; se a txi khene: Kha ditshuri kupandiseka ka lifo kupindile.

Hoseya 13:9

Kasi ku ni kukomba ti to u mwalate, awe Israyeli, u ni wukete, u wukete m'vhuni wako.

Dhaniyeli 7:20

se ni timhaka ta digumi da titxheho, ni txi txhehwana txi txi nga huma hagari ka tona, masoni ka txona ku nga wa tiraru, txitxhehwana txa kona txi ti ni maso, ni txisofu txo womba-womba mapswi o guleka ngutu, txo tsana kupinda vangana va txona.

Mtuletelo 11:8

Sirumbi sa tona si na vekwa ha mtendelani ka Didhoropa da Hombe adi, ngu kufananiswa, di dhanwako ku i Sodhoma ni Egipta, ahawa Mkoma wa tona nene a nga bethelwa ha txihambanoni.

Genesisi 4:5

aniko kha wona ngu kutsaka Kayini ni mningelo wakwe. Kayini a to henya ngutu, ni khohe yakwe yi to thuvika.

Mavingu 15:32

Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

Isaya 57:20

Aniko vabihi va fana ni linene lo vhiluka, kha li na kumalatwa, ali mati a lona, ma humisako lidhaka ni ndope.

Isaya 59:12

Nguko sihambunyeto sathu si engetelani masoni kwako, ni sionho sathu sa hi wukela; nguko sihambunyeto sathu si ni nathu, kambe ha ziva wubihi wathu;

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Ezekhiyele 16:30

Mbilu yako kha ya tsana, kuwomba Mkoma Txizimu: U mahile totsheto i ku mithumo ya dibhoyi da nduma!

Ezekhiyele 16:49

Wubihi wa mwananu Sodhoma ngu wuwa: Kutikulisa, kulondola sakudya, wukara wakwe ni vanana vakwe vamahorana; aniko kha zivi kuthumisa manza a txisiwana ni awule wo pwata so maha.

Genesisi 19:34

Se mangwanani ka kona, awule wa matiwula a to khene ka mnanda wakwe: “Ka wusiku wa nyamnova, ani ni otete ni tate; a hi mlevise kambe ngu vhinya ka wusiku wa nyamsi, sekoko tsula u ya otela nayo, ngu nzila yiya, hi na veleka lihunzu ni tate wathu.”

Hoseya 5:5

Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.