Isaya 3:8 - Bhiblia Yo Sawuleka

⁸ Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Isaya 3:8 Referans Kwoze

1 Vakorinto 10:22

Hi lava kuhenyisa Mkoma, kani? Ina hi ni mtamo kupala ene, kani?

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Judha 1:15

ku ta lamula votshe vathu, ni ku ta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vaonhi va nga txi ruka ngu ona.”

Habhakuki 1:13

Awe u ni maso amanene, ma si dinganiko kuwona to biha, kambe khu tumeli ni kuwona tingana; ngu kutxani koko, u wonako vale va mahako ta walo, u malala, ngako m'bihi a txi mita wule wo lulama kupinda ene kani?

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.

Ezekhiyele 8:12

Sekoko a to ni gela ku khene: U ti woni, awe mwanana wa m'thu, a ti madhota a nyumba ya ka Israyeli ma mahetelako txidemani, mmweyo ni mmweyo nyumbani kwakwe ko pendetelwa sifananiso kani? Kambe vona va kha vona: Mkoma kha hi woni, Mkoma a lekile mafuni.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Isaya 57:4

I mani wu mi msekako kani? I mani wu mi asamako sisofu kwakwe, ni ku mi humisela mani lidimi kani? Ina kha mi nga vanana va wuhambunyeti, liveleko la makuhu,

Isaya 9:17

Ngu toneto, Mkoma kha na mbi tsakiswa ngu majaha a dona, kambe kha na mbi va ni wusiwana ni vo felwa ngu vaveleki, ni tinoni, nguko votshe mba magwava, ni wubihi, sotshe sisofu si womba-womba wuphukuphuku. Se ngu mhaka yiya yotshe, kuhenya kwakwe kha ku pindi, aniko dianza dakwe di ngadi nawulutilwe.

Isaya 1:7

Mafu anu ma mahile txisapa, madhoropa anu ma hisilwe ngu mndilo; vathu vamatiko va mi tekete ditiko, na mi txi ti wona; di mahilwe txiwula ngu vathu vamatiko.

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Makronika 28:18

Ni vona Vafilista va to dhumela madhoropa a mikovani ni a wulambwe ka Judha, se va to teka Bheti-Xemexe, ni Ayijaloni, ni Gedheroti, ni Soko ni makhalo akwe o mlumba, ni Timana ni makhalo akwe o mu lumba, ni Gimizo ni makhalo akwe o mu lumba, ve zumba ka ona.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Isaya 49:19

Nguko siwulani kwako, ni marumbini kwako, ka ditiko dako do hoxotwa, u na ti wona, konkuwa u di kamilwe ngu vaaki, ni vale va nga ku kakatxula va na ya kule ni nawe.

Isaya 59:3

Nguko manza anu ma tate ngu mnoha, ni titiho tanu ti tate ngu wubihi; sisofu sanu si womba-womba makuhu, ni tidimi tanu ti womba-womba kubiha.

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”

Jeremiya 44:3

ngu mhaka ya kubiha ku va nga kumaha, va txi ni henyisa, ve hisela miphaxo sizimu sa walo ni ku si thumela, vona, anu, ni vatate vanu.

Sidilo 1:9

Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Mavingu 26:27

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Jeremiya 23:36

Mrwalo wa Mkoma kha mi na mbiswa mi txi wu khumbuka kambe: Nguko mhaka ya mmweyo ni mmweyo yi na va mrwalo wakwe; ngako mi nga somborota timhaka ta Txizimu txi txi hanyako, ta Mkoma wa Mabutho a Tiyimbi, Txizimu txathu.

Hoseya 5:5

Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.