Isaya 3:7 - Bhiblia Yo Sawuleka

⁷ Ka ditshiku donedo a na guleta dipswi, a txi khene: Kha ni na mbi maha ñanga, nguko nyumbani kwangu kuwalo sakudya, hambi syambalo; mi nga ni maheni mthangeli wa vathu.

Isaya 3:7 Referans Kwoze

Hoseya 5:13

Ngako Efrayime a di woni malwati akwe ni Judha txilonda txakwe, Efrayime a to kweletela eya Asiriya, se e rumela mtumi ka mfumeli Jerebhi; Kambe ene kha na mbi sikota ku mi kalamukisa ni kuholisa silonda sanu.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Ezekhiyele 34:4

Kha ma tsanisa yile yo pwata mtamo, kha ma thuma yile yo lwala, kha ma lunganyetela yile yo khudukiswa, ayile yo penga kha ma yi wuyisa, kambe kha ma tsimbila mi lava yile yo mwalala; aniko mo ti khozisa ngu kunemetisa ni kukarata.

Sidilo 2:13

Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Isaya 58:12

Se avale va no huma ngu kwako, va na wusa makhalo a marumbi a kale; kambe u na wusa makhato a liveleko ni liveleko, se va na ku dhana taku u mlulamisi wa mule ko sakala, ni muwusi wa tisoko ta vazumbi va ditikoni.

Dhewuteronome 32:40

Ani na guleta dianza dangu di komba nzumani, ni xambanya ni txi khani: Ngani wu ni hanyako kala kupinduka!

Genesisi 14:22

Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

Joyeli 1:16

Ina sakudya kha sa wilwa hi txi si wona kani? Kutsaka ni kuembelela, nyumbani ka Txizimu txathu kani?