Isaya 3:3 - Bhiblia Yo Sawuleka

³ mthangeli wa mtxhanu wa magumi a masotxhwa, ni vathangeli, didhota ni m'thu wo ziva kuthuma ni wa kuziva kuwombawomba;

Isaya 3:3 Referans Kwoze

1 Samuwele 8:12

Se a na va veka kuva vathangeli va magumi a mazana ni va mtxhanu wa magumi; ni kuva vadimi va tithembwe takwe, ni kuelula siyalo sakwe, kambe va na mmahela matxhari a yimbi ni tisimbi ta sikotxikani sakwe.

Valamuli 8:18

Msana ka tona eto Gidhiyoni a to womba ka Zebha ni ka Salmuna, a txi khene: “I ti vo txani vathu vale mi nga dayela vona Tabhori, kani?” Va to mxamula va txi kha vona: “Va ti ti fana ni nawe mmwani ni mmwani a ti ti fana ni mwanana wa mfumeli.”

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Eksodha 4:10

Sekoko Mosi a to khene ka Mkoma: “Yowe! Mkoma! Ani kha ni nga m'thu wo womba-womba ta tinene, hambi nyamnova, hambi nyatulo, hambi nyamsi konkuwa u nga womba-womba ni txithumi txako; kha ni sikoti kuwombawomba ta tinene, nguko ni m'thu wa kukangamela ni txidimiti.”

Jobe 22:8

Se mafu ma ti ti lumba wule wa mtamo, se wamwamna wule a nga ti ti mahelwa txithavo a ti ti zumba ka ona.

Isaya 3:2

Tindena ni masotxhwa, valamuli ni vaprofeti, muhuti ni didhota;

Isaya 3:4

na va ninga mazambi kasi ku ma txi maha vathangeli vawe, ni vanana va na va fuma.

Isaya 5:13

Ngu kumaha keto, vathu vangu va na yiswa wukhumbini ngu mhaka ya kwa mbi ziva, vathangeli vawe va na fa ngu nzala, ni dibutho da vathu di na oma ngu ditora.

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)