Isaya 3:25 - Bhiblia Yo Sawuleka

²⁵ Vavamna vako va na dawa ngu ditxhari, ni tindena tako ti na guma yimbini.

Isaya 3:25 Referans Kwoze

Amosi 9:10

Votshe vaonhi va ditiko dangu va na fa ngu ditxhari, ava va ku kha vona: Wubihi kha wu na mbi gwatama ni nathu, hambi ku hi mana.

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.

Jeremiya 21:9

Awu a no sala ka didhoropa diya a na fa ngu ditxhari, ni nzala, ni mtungu; aniko awu a no huma hahanze, a txi ya ti ningela ka Makhaldheya, ava va nga mi randela, a na hanya; wutomi wakwe a na maha ngu kuhonyola nga o handa.

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 14:18

Nguko ni txi ya wona thembweni vaho va va nga dayiswa ngu ditxhari. Ni ku ngako ni txi wulela m'tini ni wona va va fako ngu nzala: Ina ngu wumbidi wawe mprofeti ni mphaxeli va zungulukela na va si kuzivi aha vayako kona.

Jeremiya 11:22

Ina, Mkoma wa Mabutho a Tiyimbi, a khene: Ni na va tsayisa; majaha ma na dawa ngu ditxhari; vanana vawe va txiwamna ni va txisikati va na fa ngu nzala.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

2 Makronika 29:9

Nguko wonani, vatate vathu va datwe ngu matxhari, se vanana vathu va mazambi ni mahorana ni vasikati vathu va yisilwe wukhumbini.

Isaya 65:12

kambe ni na mi ningela ka ditxhari, motshenu mi na nama mi dayelwa, nguko ni mi dhani, aniko kha ma xamula; ni wombawombile, kambe kha ma engisa, aniko mi mahile ti i ku to biha masoni kwangu, mi sawute sile ani ni nga si si tsakeli.

Jeremiya 15:8

Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

2 Makronika 28:6

Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.