Isaya 3:16 - Bhiblia Yo Sawuleka

¹⁶ Mkoma a to womba kambe a txi khene: Nguko mahorana a Siyoni ma ti kulisa, ma tsimbila ma di emisile tithamo ta ona, ma wonisa kugwilika, ma tsimbilisa ku nga mo sinya, se ma di ambate masinda minengeni.

Isaya 3:16 Referans Kwoze

Isaya 4:4

Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa.

Matewu 21:5

“Gelani dihorana da Siyoni, mi txi khanu: Ndiyo wata Mkoma wako wa kuthutha, a di gadhile mbongola, yi ku ni tximbongolana, txi i ku mwanana wa yona.”

Ndando ya Tindando 3:11

Anu vanana vamahorana a Siyoni, humani mi ya wona mfumeli Solomoni, ni m'bhoti wu a nga ambekwa ngu mwamwakwe, ditshiku dile a nga ya lowola ngu dona, ngu ditshiku da kutsaka ka hombe ka mbilu yakwe.

Mavingu 30:13

Ku ni liveleko lo ti wona li ti gulekile, ni timboni ta kona ti kombako txitimwi.

Luka 23:28

Jesu a to tshembereka a txi va wonetela, a txi khene: “Anu vanana vamahorana va Jerusalema, mi nga ni dileleni; ti dileleni anu mipune ni vanana vanu,

Zefaniya 3:11

Ka ditshiku dile, khu na mbi wa tingana ngu mthumo wako ni wawumwewo, awu u nga ni lwisa ngu wona; sekoko ni na thavisa hagari kwako, ava va giyako ngu kutikulisa, se awe khu na mbi ngadi u txi ti kukumukisa kambe, mmangoni kwangu ko sawuleka.

Isaya 24:4

Mafu ma dila, kambe ma wuna; ditiko da guma mtamo, kambe da wuna; vahombe va vathu va ha mafuni va guma mtamo.

Isaya 3:18

Ka ditshiku donedo, Mkoma a na va tekela si va ti tshuriselako ngu sona, sigoko sawe ni masinda awe;

Isaya 1:8

Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Isaya 3:1

Nguko wona taku Mkoma, Txizimu txa Mabutho a Tiyimbi, a na thavisa ka Jerusalema ni ka Judha, ndonga ni mtxheketelo, ni otshe mati o tima ditora.

Isaya 3:4

na va ninga mazambi kasi ku ma txi maha vathangeli vawe, ni vanana va na va fuma.

Isaya 3:17

Ngu toneto, Mkoma a na peka misungo ya mahorana a Siyoni, Mkoma a na vhunungula wumbwuri wa ona.

Mavingu 21:4

Kuwona ko tikulisa, ni mbilu yo ti guleta, njionho txa wo biha.