Isaya 3:14 - Bhiblia Yo Sawuleka

¹⁴ Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.

Isaya 3:14 Referans Kwoze

Jobe 22:4

Mwendo wa kutsayisa ngu mhaka ya txithavo txi a ku natxo ngu ngawe, hambi ti to e kuyisa kulamulwani kani?

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Jeremiya 5:27

Nga txikavila txo tala ngu sinyana, ngu toneto ni tinyumba tawe ti tate ngu wuviyaku. Ngu kota ya ku va nga tikulisa ni ku tifumisa,

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Masalmo 143:2

U nga lave ku ni thethisa ani txithumi txako, nguko masoni kwako kuwalo wu i ku wamnene.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Jobe 24:9

Mwanana wo felwa ngu tate, a thaviswa tshumbuni, ve amukela txo vekiswa ngu txisiwana.

Matewu 21:33

“Engisani txidinganiso tximwani: A ti ti ho m'thu, i nga ti di nyamne wa m'ti, awu a nga phaya mivhinya e yi bhiyela ngu libhiyo la mindonga, a txi kelela nzeka ya kukamela ka yona mihando yakwe, e aka txitezi, ngu msana a txi ningela thembwe yiya ka vadimi, se ene a txi teka dipfhumba da kuendela ditikoni ka kule.

Mika 6:10

Ina yi nga diho thomba ya wubihi nyumbani ka m'bihi kani? Ni mpimo wa wudotho wo vengeka kani?

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Jobe 34:23

Nguko Txizimu kha txi lavi kulaphisa mbimo kasi kuyisa m'thu masoni ka txona, kuya lamulwa.

Jobe 24:14

Txidayi txa wuka ngu mabimbi-kutxa, txi daya txisiwana ni vo pwata se ni wusiku txi ti maha dikhamba.

Masalmo 10:9

A fana ni ngonyamo yi ku diphalani ka yona; ene wa riya milawu kasi kubzweta txisiwana; mbimo yi a txi bzwetako wa txi ruruvisa, e txi ndinda ngu mlawu wakwe.

Mavingu 30:14

Ku ni liveleko lile makwasa a lona i ku matxhari, na kuve sisofu sa kona ndimesa, kasi ku li lovisa vathu vo xaniseka, ni sisiwana, ha mafuni.

Isaya 10:1

Dikhombo ka vale va vekako milayo yo mbi lulama, ni vabhali vale va bhalako milayo yo xanisa vathu.

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Isaya 14:30

Matiwula a sisiwana ma na dyiswa, ni sisiwana si na otela ngu kudikha; aniko ni na daya mkoloti wako ngu nzala, ni misalelwa yako yi na hasamulwa.

Isaya 26:6

Mkondo wu na di ganyatela: Mikondo ya vaxaniseki mazambo a sisiwana.

Isaya 29:19

Se avale vo dikha va na tsaka txitimwi ka kutsaka ka Mkoma, ni sisiwana si na tsakela Msawuleki wa Israyeli.

Isaya 30:12

Ngu mhaka yeto, Msawuleki wa Israyeli a khene: Ta woneka taku ma lamba dipswi diya, se mi themba kutsindaveta ni kuweketa, ngu mhaka yeto, ma ti khweketa

Isaya 58:4

Wonani taku mi ti tona sakudya, mi lwisana ni kukanetisana, mi pekana ngu sibhakela hahanze ka mnandu; mi nga ti toniseni ku nga ti ta nyamsi, ngu kulava kupfalisa dipswi danu txitimwi.

Ezekhiyele 18:12

a txi xanisa txisiwana ni wule wo pwata, a txi pa, kambe asi tshumeti sile so vekiswa, a gulako maso akwe me wonetela sithombe, e mahetela to nyenyeza,

Ezekhiyele 20:35

Se ni na mi yisa ka txiwula txa vathu, koneyo ni na ya mi lamula khohe ni khohe.

Ezekhiyele 20:36

Nga kule ni nga lamula vatate vanu, txiwulani ka ditiko da Egipta, ngu kumaha keto ni na mi lamula kuwomba Mkoma Txizimu.

Mika 3:3

ni ku mi dyako nyama ya vathu vangu, mi va thavisa didhowo, mi va fayetela marambu, ni ku va gangela nga vo lava kubetelwa khadini, nga nyama amu dibhotani.

Levhi 25:14

Ngako mi txi xavisa tximaha txokari ka mwakelani wanu, mwendo kuxava tximaha kwakwe, mi nga dyelelaneni.

Levhi 25:17

Ngu toneto, kha mi na mbi dyelelana mmwani ni mmwani, mi na xonipha kunavela ka Txizimu; nguko ani ngani Mkoma, Txizimu txanu!

Jeremiya 12:10

Vadyisi votala vo onhetela txivhina txangu, va kandile thembweni kwangu; thembwe yangu yo tshura va yi mahile txiwula.

Amosi 2:7

Va tsaka ngutu ngu kukandetela sisiwana hahatshi, va gombonyekisa tindzila ta va vo lulama; dijaha ni tate va wulelete dihorana dimwedo, kuve nyamisa ditina dangu.

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!