Isaya 3:11 - Bhiblia Yo Sawuleka

¹¹ Dikhombo ka vakubiha! Nguko va na ningwa hakhelo ya mithumo ya manza awe.

Isaya 3:11 Referans Kwoze

Ekleziyaste 8:13

Aniko muonhi kha na mbi kateka, ni masiku akwe kha ma na mbi engeteleka; a na fana ni mtsudi, nguko kha thavi masoni ka Txizimu.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Masalmo 62:12

Ni wona wunene mbwako, Mkoma u hakelako m'thu, madingano ni mithumo yakwe.

Masalmo 28:4

Va hakele madingano ni mithumo yawe, madingano ni kubiha ka simaho sawe. Va tshumetele madingano ni simaho sawe so biha; va ninge asile si va fanelako.

Isaya 65:20

Ka dona kha ku na mbi maneka kambe mwanana wo hanya masiku amadotho, hambi txikosana txi txi no mbi hetisa masiku a txona, nguko mwana a na fa a ti ni 100 wa malembe, aniko muonhi wa 100 wa malembe a na ruketelwa.

Isaya 48:22

Aniko va kubiha kha va na kudikha, kuwomba Mkoma.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

2 Makronika 6:23

awe koko engisa u di nzumani, u maha ati to u lamula sithumi sako, u sunga m'bihi, u mmrweka mnandu wakwe ha msungo kwakwe, u maha ta tinene ka wo lulama, u mmahela madingano ni wululami wakwe.

Jobe 10:15

Ni di muonhi, dikhombo kwangu! Ni di mlulami, kha ni na mbi guleta msungo; ni taletwe ngu tingana, se na wona wusiwana wangu.

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Isaya 65:6

Wona ti bhatwe masoni kwangu, taku: Kha ni na mbi malala; aniko ani ni na hakela, ni na rinza hakhelo masoni kwawe,

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Jeremiya 31:30

Ngu kuhambana nito, mmweyo ni mmweyo a na fa ngu wubihi wakwe, se votshe vathu vale va no dya mauvha amambisu va na telwa ngu wutsila.

Ezekhiyele 2:10

Se a to di tula masoni kwangu, dona di ti ti bhatwe mndani ni hahanze, kambe ka dona ku ti ti ni mibhalo ya sidilo, ni tihuwa ni makhombo.

Ezekhiyele 18:20

Muhefemulo wule wu onhako, ewo wu na fa; mwanana kha na mbi tekelela wubihi wa tate, hambi tate kha na mbi teka wubihi wa mwanana; kululama ka wo lulama ku nava txitimwi kwakwe, ni wubihi wa m'bihi wu na va txitimwi kwakwe.

Ezekhiyele 24:14

Ani Mkoma ni ti khani: Ti na maheka, ni na ti maha; kha ni na mbi tshumelela msana, kambe kha ni na mbi pimela, hambi kutilaya; madingano ni tinzila tako, ni madingano ni mithumo yako, va na kulamula, kuwomba Mkoma Txizimu.

Ezekhiyele 33:8

Ni txi khani ka m'bihi: Awe m'bihi, ngu ditshuri u na fa; se awe u si wombi kasi ku hambukisa m'bihi ka nzila yakwe, m'bihiyo a na fa ka wubihi wakwe, aniko mnoha wakwe, ni na wu lava manzani kwako.

Mika 3:4

Sekoko, mi na dila ka Mkoma, aniko kha na mbi mi engisa, ka mbimo yoneyo a na mi sisela khohe yakwe, nguko vona va mahile mithumo yo biha.

Mika 7:13

Kambe ditiko diya di na hasamulwa, ngu mhaka ya vaaki va dona, ni mhaka ya mihando ya mithumo yawe.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Valamuli 9:57

Txizimu txi to tshumetela kambe wubihi wotshe txitimwi ka misungo ya vavamna va Sikemi; ni txiruko txa Jothamu, mwana Jorobhahali, txi to wela txitimwi kwawe.

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.

1 Vafumeli 21:21

Wona taku ni na tisa dikhombo txitimwi kwako, ni na lovisa vanana vako, votshe vavamna va ka Akabe ni na va fuvisa, ni votshe vale i ku maxonga ni vale vo bulwa kona Israyeli;

Mavingu 11:31

Wona taku m'thu wo lulama wa tsayiswa ha mafuni; ngutu-ngutu m'thu wo biha, ni muonhi.

Mavingu 26:27

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Ezekhiyele 16:59

Nguko Mkoma Txizimu a khene: Ni na kumaha tile u nga maha, u nga txhipisa txixambanyo, u txi bhenula txitumelelano.