Isaya 3:10 - Bhiblia Yo Sawuleka

¹⁰ Gelani va vo lulama ti to va katekile, nguko va na dya mihando ya mithumo yawe.

Isaya 3:10 Referans Kwoze

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Zefaniya 2:3

Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.

Jeremiya 15:11

Hambi i di keto, Mkoma a to xamula, a txi khene: Kunene ni na ku tsaniseta ti to u txi humelela, ni na maha ti to mlala wako e kukombela, ngu mbimo ya makhombo ni kuxaniseka.

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Eksodha 1:20

Ngu mhaka yeto, Txizimu txi katekisile vahefemulisi. Se vathu va to talelana, ni kumaha va mtamo ngutu.

Dhewuteronome 12:25

U nga wu dye, kasi ku u na mana kuzumbiseka ta tinene, kumweko ni vanana vako, msana kwako, ngako u txi maha ti i ku to lulama masoni ka Mkoma.

Masalmo 58:11

Se vathu va na womba va txi kha vona: “Kha dikhuri mlulami ana ni hakhelo! Ngu ditshuri txi ho Txizimu txi txi lamulako ha mafuni!”

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Mavingu 13:21

Wubihi wu na londisela vaonhi, aniko vo lulama va na wuyelwa ngu wunene.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Jeremiya 22:15

Ina u na fuma ngu ku u ti ningelako mthumoni ka makedhari kani? Tate wako a dyite ni kusela. Aniko a to lamula ngu mlayo ni fanelo, a to humelela ngu mhaka ya toneto.

Ezekhiyele 18:20

Muhefemulo wule wu onhako, ewo wu na fa; mwanana kha na mbi tekelela wubihi wa tate, hambi tate kha na mbi teka wubihi wa mwanana; kululama ka wo lulama ku nava txitimwi kwakwe, ni wubihi wa m'bihi wu na va txitimwi kwakwe.

Mika 7:13

Kambe ditiko diya di na hasamulwa, ngu mhaka ya vaaki va dona, ni mhaka ya mihando ya mithumo yawe.

Mavingu 10:6

Sikatekiso si ha msungo ka wule wo lulama, aniko kulwisa ka tsiva sisofu sa vaonhi.

Luka 19:19

Se ene a txi khene kwakwe: ‘Nawe fuma mtxhanu wa madhoropa.’