Isaya 3:1 - Bhiblia Yo Sawuleka

¹ Nguko wona taku Mkoma, Txizimu txa Mabutho a Tiyimbi, a na thavisa ka Jerusalema ni ka Judha, ndonga ni mtxheketelo, ni otshe mati o tima ditora.

Isaya 3:1 Referans Kwoze

Levhi 26:26

Hahanze ka toneto, ni na mi tekela sakudya sanu; ati to digumi da vavasikati va txi mi bhikela sakudya sanu amu ka khadi yimweyo, va txi mi phamela sakudya sanu ngu ku mi pimela; ahale ko mi na dya, aniko kha mi na mbi khura.

Ezekhiyele 14:13

Awe mwanana wa m'thu, ngako ditiko dokari di txi ni onhela, di txi ni wukela ngutu, sekoko ni na nawuluta dianza ni txi di tsayisa, se ni na kengeta dipawu, ni na rumela nzala ka dona, ni na thavisa ka dona vathu ni sihari;

Isaya 1:24

Ngu toneto, Mkoma Txizimu txa Mabutho a Tiyimbi, Ndena ya ka Israyeli, a khene: Ani na ti tsakisa ngu va va ni vengako, ni wukela valala vangu.

Jeremiya 38:9

Mfumeli, nyamne wangu, vavamna vava kha va maha ta tinene ka totshe tile va nga mahela mprofeti Jeremiya, awule va nga mtshotsha diphalani; a na fa ngu nzala aha a ku kona, nguko kha ku ngadi ni mapawu amu didhoropani.

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Isaya 36:12

Aniko Rabhisake a ti khene: Ina u alakanya to nyamne wangu a ni rumete ku ta gela nyamne wako ni nawe dwe, timhaka tiya kani? Khu ti zivi to ni gela ni vathu vale va ku txitimwi ka maguma, kasi ku motshenu mi dya mitximba yanu mipune, ni kusela mirundo yanu kani?

Isaya 5:13

Ngu kumaha keto, vathu vangu va na yiswa wukhumbini ngu mhaka ya kwa mbi ziva, vathangeli vawe va na fa ngu nzala, ni dibutho da vathu di na oma ngu ditora.

Isaya 2:22

Tsulani kule koko ni m'thu wu a ku ni muhefemulo tithonvuni kwakwe; nguko a nga va a txi themba txani kani?

Masalmo 105:16

Txizimu txi vangile nzala txitimwi ka otshe mafu txi lovisile tithembwe totshe ta fulaho.

Isaya 3:16

Mkoma a to womba kambe a txi khene: Nguko mahorana a Siyoni ma ti kulisa, ma tsimbila ma di emisile tithamo ta ona, ma wonisa kugwilika, ma tsimbilisa ku nga mo sinya, se ma di ambate masinda minengeni.

Isaya 9:20

Se ngako a txi wila didhawa da txinene, a na tshumela e pfa nzala, ngako a txi wila didhawa da txibhabha, kha na mbi khura; mmweyo ni mmweyo a na dya nyama ya diwoko dakwe.

Jeremiya 52:3

Ngu kota yeto ku to maheka tito, ngu mhaka ya kuhenyelwa ka Jerusalma ni Judha ngu Mkoma, ene a to va tshotsha kule nayo; se Zedhekiya a to wukela mfumeli wa Bhabhilona.

Jeremiya 52:6

Ngu mtxima wa wumune, ka ditshiku da wutxhanu ni mune ka mtxima, aha nzala yi nga txi simama didhoropani, se vathu va ditiko va to pwata sakudya,

Sidilo 5:4

Mati athu hi mamana ngu kuxava, hambi tikhuni hi ti mana ngu male.

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Mika 4:9

Se ngu kutxani u dilako ngutu kani? Ina kha nga ho mfumeli kwako kani? Ina di to fa didhota dako kani? Mwendo u to manwa ngu kupanda ko nga ka wamsikati wu a lumwako kani?

2 Vafumeli 25:3

Ka ditshiku da mtxhanu ni mune, ka mtxima wa wumune, mbimo yile didhoropa di nga ti wona di ti tsindavetilwe ngu nzala, ku si maneki hambi dipawu do dyisa vathu,