Isaya 29:8 - Bhiblia Yo Sawuleka

⁸ Se va na fana ni m'thu wa nzala, wo lora a txidya, aniko a txi wuka, epfa m'hefemulo wakwe i ti diphanga; mwendo ku nga m'thu wo pfa ditora, a lorako a txi sela mati, aniko a txi wuka, e maneka a di tsivate, kambe muhefemulo wakwe wu ti ni ditora; ma nava toneto otshe matiko amangi, ale ma no lwa me wukela mmango wa Siyoni.

Isaya 29:8 Referans Kwoze

Isaya 44:12

Mtshuli wa maha ditxhapu, kambe a thuma ngu makala a mndilo, se edi tshula ngu hamela, ni ku di vavela ngu mtamo wa diwoko dakwe; ene a ni nzala, kambe mtamo wakwe wa kelela, se kha seli mati, kambe wa karala.

Masalmo 73:20

Nga ti a mahako m'thu ngu mloro, a txi wuka, na nawe, Mkoma, u txi na wuka, u na nyenya ni txithuzi txawe.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Nahume 1:15

Wonani mikondo txitimwi ka mimango ya wu a tisako mahungu a maphya, ya wu a huwelelako kudikha! Maha mibuso yako, awe Judha, hetisa sixambanyo sako, nguko m'bihi kha na mbi ngadi kambe a txi pinda ngu kwako; ene a na loviswa do gwita.

Masalmo 129:5

Va na tale ngu tingana ve hingwa votshe valala va Siyoni!

Isaya 41:11

Wona taku, votshe vale va ku henyelako, va na wiswa tingana ni ku khulumetelwa; kambe kha va na mbi va va txilo; ni vale va kulwisako, va na lova.

Isaya 41:12

U na va lava, aniko khu na mbi va mana, ni vale va no lwa ni nawe, kha va na mbi va va txilo, kufana ni tximaha txo mbi va txilo, avale va no lwa ni nawe.

Nahume 2:1

M'hoxoti se aho masoni kwako, awe xayisa dikhokhola, wonisisa nzila, sunga txiwunu, tsanisa ngutu mtamo wako.