Isaya 29:2 - Bhiblia Yo Sawuleka

² Hambi keto, ni na veka Ariyeli kuxanisekani, se ku nava ni kudila ni kupandiseka; kambe dona di na va didhoropa dangu kufana ni Ariyeli.

Isaya 29:2 Referans Kwoze

Ezekhiyele 39:17

Awe koko, mwanana wa m'thu, Mkoma a khene: Gela sinyana sa totshe tixaka, ni sotshe sihari sa txitinga, u txi khawe: Patanani mi txi ta, mi txi ta ngu ka otshe madhawa, mi ta ka mphaxo wangu, ni phaxako ngu mhaka yanu, mphaxo wa hombe mimangoni ka Israyeli, mi txi dya nyama ni kusela mnoha.

Ezekhiyele 22:31

Ngu kumaha keto, ni tshakunutile kuhenya kwangu; ni va tshokomisile ngu mndilo wa kuhenya kwangu; ni maha ti to nzila yawe yi txi wa txitimwi ka misungo yawe, kuwomba Mkoma Txizimu.

Sidilo 2:5

Mkoma a hindukile nga mlala; a hetile va ka Israyeli, a khundumusete totshe tinyumba tawe ta wukoma, a fayetete mikhokhola yawe; e engetela kudila ni kupandiseka ka mwanana wa ka Judha.

Isaya 37:3

Se va to kha vona kwakwe: Mfumeli Ezekhiya a khene: “Ditshiku diya, ditshiku da xomulo ni kutxhipiswa, ni kuruketelwa; nguko vanana va hafuhi ni kuvelekwa, aniko kuwalo mtamo waku va txi velekwa.

Isaya 36:22

Sekoko Eliyakimu, mwana Hilikiya, mxayisi wa nyumba ya wukoma, ni Sebhina, mabhalani, ni Jowa, mwana Asafe, didhota da kona, va to ta ka Ezekhiya, ni syambalo so vharukela, ve ta m'geletela mapswi a Rabhisake.

Isaya 34:6

Ditxhari da Mkoma di tate ngu mnoha, di tate ngu mafura, ni mnoha wa sinvuntana ni wa vamabhongwe, ngu mafura a titsho ta tihamba, nguko Mkoma a ni mphaxo kona Bhozira, ni kudayela ka hombe ditikoni ka Edhomi.

Isaya 17:14

Ni wusiku, wona taku ku ni kuthava, kambe di si se txa, kha va na mbi vaho. Atxiya njyavelo txa vale va hi handako, ni thomba ya vale va hi hoxotako.

Isaya 10:32

Ka ditshiku donedo, a na hoka Nobhe, e kombisa txibhakela mmangoni ka dihorana da Siyoni, ni ka mmango wa Jerusalema.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Isaya 1:14

Mibuso yanu ya kumeka ka mtxima, ni mibuso yanu ya hombe ngutu yi henyisa muhefemulo wangu; konkuwa ta ni nemelela; se ni karate ngu kuxaniswa ngu sona.