Isaya 29:12 - Bhiblia Yo Sawuleka

¹² Mwendo ku txi ningelwa dibhuku ka wule asi ziviko kugonda, va txi kha vona: “Wona, hi nga gonda tiya; se ene a na khene: Kha ni tizivi kugonda.”

Isaya 29:12 Referans Kwoze

Isaya 29:18

Se ka ditshiku dile, maphanzeve ma napfa mapswi a dibhuku, ni mabhofu ma na thaviswa mphume me wona txidemani.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Jeremiya 5:4

Se ni txi alakanya ku khani: “Ngu ditshuri, avava i vathu va hahatshi, vona nzipumbu, nguko kha va yi zivi nzila ya Mkoma, ni milayo ya Txizimu txawe.

Isaya 8:16

Sungelela wufakazi, u tsanisa mlayo hagari ka vagondiswa vangu.

Isaya 29:11

Ngu toneto, siwoniso sotshe kwanu, yi fana ni mapswi a dibhuku do lemwa, di ningelwako ka wu a zivako kugonda, va txi kha vona: “Wona, hi nga gonda tiya”; se ene a na khene: “Kha ni sikoti, nguko di lemilwe.”

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;