Isaya 29:1 - Bhiblia Yo Sawuleka

¹ Dikhombo ka Ariyeli, ka didhoropa da Ariyeli, adile Dhavhidha a nga veka ka dona wugovelo! Engetelani dilembe ni dilembe, kambe yi na ningetane mibuso.

Isaya 29:1 Referans Kwoze

2 Samuwele 5:9

Ngu kumaha keto, Dhavhidha a to zumba mkhokholani, e wu dhana ku Didhoropa da Dhavhidha; a to aka madhawani, kukhukhela Milo kala mndani ka dona.

Hoseya 9:4

Kha va na mbi humesela vhinya Mkoma, hambi miningelo yawe kha yi na mbi mtsakisa; ka vona miphaxo yawe yi na fana ni sakudya sa txidilo; votshe vale va no sidya va na nyenyeziswa ngu sona, nguko sakudya sawe si na va so enela vona; kha si na mbi wulela Nyumbani ka Mkoma.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Vahebheru 10:1

Se, ngako mlayo i ku txifananiso dwe, txa simaha sa sinene si si tako, i ku si nga sona simahaso sa sinene sipune si ti wonekisako, wona mlayo, hambi kumahwa ka timhamba to wuyelelwa yotshe mbimo, ati ti ningelwako kugumani ka dilembe ni dilembe, kha wu sikoti ni ka kudotho kuyisa kuhetisekani avale va manako txihiwa ka tona timhambeto.

Isaya 31:9

Se ngu dizowa a na pinda dirigwi dakwe da wuthavelo, ni vathangeli vakwe va na tshotsha m'jeke, kuwomba Mkoma, awule mndilo wakwe wu ku Siyoni, ni txikho txakwe txa hombe txi ku Jerusalema.

Jeremiya 7:21

Mkoma wa Mabutho a Tiyimbi, Txizimu txa Israyeli, a khene: Patani miningelo yanu ya kuhiswa ni miphaxo yanu, midya nyama ya yona.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Isaya 29:9

Swelani, se mi xamala, mi humula, ni kukwangula; va levile, aniko i si nga ngu vhinya; va tsimbila va txi dhedherekela, aniko na i si nga ngu sopa.

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Levhi 23:4

Ayiya ngu yona mibuso ya Mkoma, i ku mibuso yo sawuleka, mi no yi ramba ngu mbimo ya kona yi nga emiselwa: