Isaya 28:9 - Bhiblia Yo Sawuleka

⁹ I mani koko a ndi no gondiswa wutxhari kani? Niku i mani a ndi no pima ati a nga tipfa kani? Ka wule a nga lumulwa ni ka wule a nga thaviswa ha tshumbuni kani?

Isaya 28:9 Referans Kwoze

Masalmo 131:2

Ka toneto, ni malatile mbilu yangu yi thutha, kufana ni mwanana a nga mama, e wukarelwa ngu mame wakwe; moya wangu wu fana ni mwanana wu a nga mama e khura.

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Johani 12:38

kasi kutatiseka dipswi da mprofeti Isaya, a nga khene: “Mkoma i mani a nga kholwa ka mapswi athu, kani? Diwoko da Mkoma di wonekisilwe ka mani kani?”

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

1 Pedro 2:2

nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

Johani 3:19

Txigelo txa kuabaniswa ngu txiya: Kuwonekela kutile ha mafuni, aniko vathu va randile ngutu txidema kupinda kuwonekela, nguko mithumo yawe i ti yo biha.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Mavingu 1:29

Ngako mi nga venga wuzivi, kambe kha ma lava kuthava Mkoma;

Masalmo 50:17

na kuve khu tsaki, ngako ni txi kukawuka wo mbi khatala ngu mapswi angu kani?

Isaya 48:17

Mkoma, i ku Mutiruli wako, Msawuleki wa Israyeli, a khene: Ani ngani Mkoma, Txizimu txako, awu a ku gondisako ti ti vhunako, ni ku kukomba nzila yi u felako kutsimbila ngu yona.

Isaya 30:20

Mkoma a na mi ninga dipawu da didotho, ni mati amadotho, aniko vale va kurumako, kha va na mbi tutuma kwako, ku nga vo puruma ngu tibhapi; maso ako ma wonetela vagondisi vako.

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Jeremiya 35:13

Mkoma wa Mabutho a Tiyimbi, Txizimu txa ka Israyeli, a khene: Tsula u txi ya va gela vathu va va ka Judha, ni vaaki va Jerusalema, u txi khawe: Ina kha mi na mbiswa mi amukela gondo ngu kupfa timhaka tangu kani? Kuwomba Mkoma.