Isaya 28:7 - Bhiblia Yo Sawuleka

⁷ Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.

Isaya 28:7 Referans Kwoze

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Isaya 19:14

Mkoma a thete moya wa wugeu hagari kwawe, se vona va to rerelisa Egipta, ngu yotshe mithumo yawe, kufana ni didevi di txi tshumelela makosa a dona.

Ekleziyaste 10:17

U katekile awe ditiko di mfumeli wa dona i ku mwanana wa vahombe, vathangeli va kona vadyako ngu mbimo ya kona, kasi kuwuteta mitamo, na i si nga kutilevisa.

Mavingu 20:1

Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

Mika 2:11

Ku txo maneka wokari wa zumbelo ya walo, e hemba a txi khene: Ani ni na ku profetela ngu vhinya ni wusuke wa mtamo; eyo a na va mprofeti wa vathu vava.

Jeremiya 23:16

Mkoma wa Mabutho a Tiyimbi a khene: Mi nga engiseleni timhaka ta vaprofeti vava va profetako kwanu, nguko va mi kanganyisa; va txhumayela siwoniso sa timbilu tawe vapune, na si si humi ngu ka txisofu txa Mkoma.

Jeremiya 14:14

Mkoma a to ni xamula, a txi khene: Vaprofeti va profeta makuhu ngu ditina dangu; kha na va ruka, kha na va laya; kha na womba txilo kwawe. Va profeta kwangu siwoniso sa makuhu ni kuhuta, ta walo to divalisa timbilu tawe.

Isaya 3:12

Vaxanisi va vathu vangu mbanana, se vavasikati ngu vona va ku mu ko duketa wukoma. Yowe! Vathu vangu! Ava va mi thangelako, va mi xenga, va mi onhela nzila yi mi tsimbilako ngu yona.

Masalmo 107:27

va to pfa lizungu ve dhedhereka nga vo leva, ni wotshe wutxhari wawe wu si va vhuni txilo.

Vaefesu 5:28

Ngu toneto, vavamna va fanelako kurandisa tona vasikati vawe nga mimidi yawe. Awu a randako msikati wakwe, wo ti randa apune;

Ezekhiyele 44:21

Ni wammweyo mphaxeli kha na mbi sela vhinya, mbimo yi a no wulela ka mtendela wa mndani.

Ezekhiyele 13:7

Mi nga woneni siwoniso sa kwa mbi yawula, kambe mi nga huteteleni ta makuhu mi txi khanu: Mkoma a wombile, na kuve to nga eto kha na womba.

Sidilo 2:4

A dombile wulaho wakwe, nga mlala, a tekile lingove lakwe nga mlala; kambe a dayete sotshe si i nga ti so tshura ni ku si wona. A theketile txiviti txakwe txitimwi ka ditenda da mwanana wa muhorana wa Siyoni.

Jeremiya 23:13

Ni wonile to nyenyeza, ni ka vprofeti va Samariya; va to profeta ditinani ka Bhahali, ve hambukisa vathu vangu va ka Israyeli.

Isaya 29:11

Ngu toneto, siwoniso sotshe kwanu, yi fana ni mapswi a dibhuku do lemwa, di ningelwako ka wu a zivako kugonda, va txi kha vona: “Wona, hi nga gonda tiya”; se ene a na khene: “Kha ni sikoti, nguko di lemilwe.”

Isaya 24:2

Se ati ti no maheka ka vathu, ti na maheka ni ka vaphaxeli; ka txithumi txa wamwamna ni ka nyamne wa txona wa wamwamna; ni txithumi txa txisikati ni ka nyamne wa txona wa wamsikati; ka mxavi, ni ka msavisi, ka wule a lombako, ni ka wule a lombisako; ka m'vili, ni ka wule a vilwako.

Isaya 22:13

Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.

Isaya 5:11

Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.

Mavingu 23:30

Ngu vale va zumbako kuselani ka vhinya, vale va tsimbilako ve lava wusuke wo patelwa.

Isaya 24:20

Mafu otshe ma na dhedhereka kufana ni didevi, kambe ma na zinginiswa, me thaviswa ni wusiku, nga mtxhatxha; se wuhambunyeti wa ona wu na ma nemelela, ma nawa, ma si wuki kambe.

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Isaya 43:27

Tate wako wo khata a onhile, ni vatxhamuseli vako va ni onhete.

Hoseya 7:5

Se ngu ditshiku da mfumeli wathu, vathangeli va to lwala ngu kuthumiswa ngu vhinya; Ene a to gwimba dianza dakwe ni vatseketseli.

Habhakuki 2:15

Dikhombo ka wule a ningako vhinya mngana wakwe! Awe u mtshuketiselako msava wako u mlevisa, kasi kuwona wumbwiri wakwe.

Habhakuki 2:16

U na kolwa ngu tingana u pwata kudhundeka; sela nawe u kombisa taku khwa yiswa wukwerani: Digombe da diwoko da txinene da Mkoma, di na wuya txitimwi kwako, ni makosa ma na nyenyezisa wudhumo wako.

Isaya 5:23

Dikhombo ka vale va emelako m'bihi ngu kuxavelela, se awule wo lulama ve mlambela kululama!