Isaya 28:12 - Bhiblia Yo Sawuleka

¹² nga kule ni nga khani: Akuwa nguhumula, ningani kuhumula ka kuhumula; se ayiya i mbimo yo ndinda moya; aniko kha va lava kuengisa.

Isaya 28:12 Referans Kwoze

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Zakariya 7:14

Se ni na va hangalasa ngu txingulu, hagari ka otshe matiko ale va nga mbi ma ziva, se ditiko di na maha dirumbi msana kwawe, aha kaku, ku si pindi m'thu ni wammweyo ka dona, hambi kutshumela, nguko va lekile ditiko da dinene, di maha dirumbi.

Jeremiya 44:16

Kasi ngu dipswi di u nga hi zivisa ngu ditina da Mkoma, kha hi na mbi kuxonipha awe;

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

Isaya 32:17

Se simaho sa kululama si na va kudikha, ni mthumo wa kululana wu na va kuzumbiseka, ni kutsana ko mbi guma.

Isaya 32:18

Vathu vangu va na zumba ditikoni ka kudikha, ka tinyumba to tsana ngutu, ni ka makhalo o humula ngu kuthutha,

Isaya 29:12

Mwendo ku txi ningelwa dibhuku ka wule asi ziviko kugonda, va txi kha vona: “Wona, hi nga gonda tiya; se ene a na khene: Kha ni tizivi kugonda.”