Isaya 28:1 - Bhiblia Yo Sawuleka

¹ Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Isaya 28:1 Referans Kwoze

Hoseya 7:5

Se ngu ditshiku da mfumeli wathu, vathangeli va to lwala ngu kuthumiswa ngu vhinya; Ene a to gwimba dianza dakwe ni vatseketseli.

Isaya 28:7

Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

Amosi 6:1

Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.

Amosi 2:12

Aniko anu, Vanazira mi va ningile vhinya ve sela, vaprofeti mi ruma mi txi khanu: Mi nga profeteni.

Amosi 2:8

Va otelako kumweko ka ni txihi txiluvelo, ka simaha sa minandu, ka tinyumba ta sizimu sawe, ve sela vhinya ya va vo diha minandu.

Hoseya 6:10

Ni wona timhaka to thisa ngutu nyumbani ka va ka Israyeli: Efrayime a maha wugelegele konemo, Israyeli a ti nyenyezisile.

Hoseya 5:5

Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.

Hoseya 4:11

Kha mbi ti ñola, ni vhinya, ni wusuke si thavisa mapimo.

Isaya 9:9

Se votshe vathu vava va na tiziva, Efrayime ni vaaki va Samariya, vale va wombako ngu kutikulisa ni kutiguleta ngu timbilu, va kha vona:

Isaya 8:4

Nguko mwanana na a sinzi kuziva kuwomba ku tate wangu, mwendo ku mame wangu, tithomba ta Dhamasku ni simaha si si nga honyolwa Samariya, si na yiswa masoni ka mfumeli wa Asiriya.

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.

Isaya 5:11

Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.

Mavingu 23:29

I mani a ku ni dikhombo kani? I mani a ku xomuloni kani? I mani a ku ni mazunga kani? I mani a ti tsetsako kani? I mani a ku ni silonda hahanze ka mnandu kani? I mani wa maso o bhilivila kani?

2 Makronika 28:6

Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

Levhi 26:19

Nguko ni na heta kanu ya kutikulisa kwanu, ni maha ti to nzuma yanu yi txi fanana ni simbi, ni mafu anu me fana ni koporo.

Hoseya 5:9

Efrayime a na xaselwa ngu ditshiku da kutsayiswa; Hagari ka tihunzu ta ka Israyeli, ni kombisile a ti ti nga lulama.

Isaya 9:8

Mkoma a to rumela dipswi ka Jakobe, se di wela txitimwi ka Israyeli.

Isaya 9:11

Ngu kumaha keto, Mkoma a na va wusela valala va Rezimi, a na txhokolotela valala vakwe.

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Amosi 6:4

Mi otelako ka mibhedhu ya makwasa a tinzofu, mi ti gwimba ha matahoni kwanu, mi dya tinvuta ta mitxhambi, ni marole ya hagari ka mitxhambi;

Amosi 6:8

A xambanyile Mkoma Txizimu, ngu dihika dakwe, Mkoma, Txizimu txa Mabutho a Tiyimbi, a khene: Na nyenya kutikulisa ka va ka Jakobe, ni venga ni tinyumba tawe ta wukoma; na ningela didhoropa ni sotshe si si ku ka dona.