Isaya 27:9 - Bhiblia Yo Sawuleka

⁹ Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Isaya 27:9 Referans Kwoze

Varoma 11:27

Se atxiya txi na va i di txona txitumelelano txangu, mbimo yi ni no thavisa sionho sawe.”

Isaya 48:10

Wona taku ni ku basisile, i si nga ku nga silivhela; ni ku dukile ka mndilo wa sixaniso.

Dhaniyeli 11:35

Vokari ka titxhari va na wa ve dukwa, ni kusawulekiswa, ve basa, kala magwito ka mbimo, nguko i nava i di ngadi mbimo ya kona.

Isaya 17:8

Se kha na mbi wonetela siluvelo, i ku mthumo wa manza akwe, mwendo kuwonetela si si nga mahwa ngu titiho takwe, hambi ka sithombe sakwe so vatwa, ni sifananiso sa ditambo.

Vahebheru 12:6

Nguko Mkoma a kawuka m'thu wu a mrandako, ni kutsayisa mwanana wuhi ni wuhi, a mu amukelako.”

1 Vakorinto 11:32

aniko, hi txi lamulwa ngu Mkoma, ha tsayiswa kufela ku hi si abaniswi kumweko ni ditiko.

Zakariya 13:2

Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni.

Hoseya 14:8

Efrayime a na khene: Ni ngadi ni txani kambe ani ni sithombe kani? Ani ni khala ku tiengisa, se eto na ti pfisisa; ani ni fana ni mndonga wa faya wa mkungu; ngu kwangu ka manwa mihando yako.

Ezekhiyele 20:38

Ni na thavisa hagari kwanu avale va kutitsimba, ni vale va nga ni wukela; ni na va thavisa ka matiko ale va luvelako ka ona, aniko kha va na mbi tshumelela ka ditiko da ka Israyeli; se mi na tiziva taku ani ngani Mkoma.

Ezekhiyele 11:18

Se va nata kona hale va txi ta thavisa sotshe sile si si lavekiko, ni otshe manyala awe.

Isaya 4:4

Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa.

Isaya 1:29

Nguko mi na wa tingana ngu mhaka ya mikusu yile mi nga yi navela, mi na wiswa tingana ngu mhaka ya tithembwe tile mi nga ti sawula.

Mavingu 20:30

Mikhwimbiriti ya silonda yi sawulekisa vo biha, kumweko ni kupandisa kule ku wulelako mndani.

Masalmo 119:71

Ndinene ni nga mana kutsayiswa, kasi ku ni gonda silayelo sako.

Masalmo 119:67

Mbimo yiya ni nga sinzi kuxaniseka, ni ti lekile nzila ya yinene; aniko konkuwa na londeta dipswi dako.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.

2 Makronika 34:4

Va to khundumusela siluvelo sa bhahali, masoni kwakwe; va txi wilela ni sithombe sa ditambo asi si nga ti ti txitimwi kwawe, ni tiphande, ni sithombe so vatwa ni so wumbwa, ve si tshinda si maha mpupu a txi wu xwayela mathithani ka vale va nga ti ti si khozela.

2 Makronika 14:5

Kambe a to thavisa siluvelo ni sifananiso sa ditambo, ka otshe madhoropa a ka Judha; se mfumo wa kona wu to mana kuthutha.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Dhewuteronome 12:3

mi na ya khundumusela siluvelo sawe, mi na ya phatulela mi hisetela sithombe sawe, ni sifaniso sa kona sa miphaxo, mi na fayetela sithombe so vatwa sa sizimu sawe, ni kufuvisa matina a sona ka wukhalo wule.

2 Vafumeli 10:26

Se va to thavisa sithombe nyumbani ka Bhahali, ve si hisa.

Ezekhiyele 6:4

Se siluvelo sanu si na xaselwa, kambe ku na fayetelwa sifananiso sanu sa ditambo; ni na wisetela sirumbi sanu masoni ka sithombe sanu.

2 Vafumeli 23:14

Ngu kufana a to faya sithombe, e gangela sifananiso, e tata wukhalo wa kona ngu marambu a vathu.

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Mika 5:11

ni na khundumusela madhoropa a ditiko dako, ni ku wisetela yotshe mikhokhola yako;