Isaya 27:7 - Bhiblia Yo Sawuleka

⁷ Ina ene a ngava a di dayisile Israyeli, kufana ni tile a nga dayisisa tona vale va nga m'dayia kani? Mwendo ene a va date kufana ni tile a nga dayisa tona vale va nga dawa ngu ngene kani?

Isaya 27:7 Referans Kwoze

Nahume 3:19

Kha ku nga ni mrende wo kalamukisa txilonda txako; mbanga yako yo panda ngutu, votshe vale ngu ditshuri va no pfa nduma yako va na ku bhwabhwatela manza, nguko i mani wule wu nga mbi pinda ngu kwakwe wubihi wako kani?

Nahume 1:14

Mkoma a vekile mlayo wa ku kuwukela, waku ku si maneki ni wammweyo wo dhanwa ngu ditina dako; kukhukhela nyumbani ka txizimu txako, ni na fuvisa sithombe so vatwa ni sa kunyekiswa; koneho ni na maha kona dithitha dako, nguko u txhipile.

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.

Jeremiya 50:40

Nga mbimo yile Txizimu txi nga lovisa Sodhoma ni Gomora ni vaakelani vakwe, kuwomba Mkoma; nga toneto ni wammweyo kha na mbi aka koneyo, hambi ni mwanana wa m'thu kha na mbi zumba.

Isaya 17:14

Ni wusiku, wona taku ku ni kuthava, kambe di si se txa, kha va na mbi vaho. Atxiya njyavelo txa vale va hi handako, ni thomba ya vale va hi hoxotako.

Isaya 17:3

Se mkhokhola wa Efrayime wu na lova, kumweko ni mfumo wa Dhamasku, ni m'boti wa Siriya; yi na nga wudhumo wa vanana va Israyeli, kuwomba Mkoma wa Mabutho a Tiyimbi.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 10:17

Nguko Liwoningo la Israyeli li na maha mndilo, se Msawuleki wa kona a na nga dikala da mndilo, di na tura di hisa mipa ni txitinga ngu ditshiku dimwedo.

Isaya 30:31

Nguko Asiriya a na khundumuswa ngu dipswi da Mkoma, a ngadi peka ngu ndonga.

Isaya 31:8

Se Asiriya a na wiswa ngu ditxhari, na i si nga ngu m'thu; ditxhari di di si lumbiko m'thu di na mlovisa, kambe a na tutuma masoni ka ditxhari, ni mazambi akwe ma na xulwa.

Isaya 31:9

Se ngu dizowa a na pinda dirigwi dakwe da wuthavelo, ni vathangeli vakwe va na tshotsha m'jeke, kuwomba Mkoma, awule mndilo wakwe wu ku Siyoni, ni txikho txakwe txa hombe txi ku Jerusalema.