Isaya 27:6 - Bhiblia Yo Sawuleka

⁶ Ma nata masiku ale Jakobe a no mila mitwi, se Israyeli a na veka siluva e mila, kambe va na tata mafu ngu mihando.

Isaya 27:6 Referans Kwoze

Isaya 37:31

Nguko avale va nga huluka va nyumba ya ka Judha, vale va nga sala, va na tshumela ve zima mikoloti hahatshi, kambe va na wonekisa mihando txitimwi.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Hoseya 2:23

Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!

Isaya 60:22

Vathu vavadotho va na va 1.000; ni vavadotho ngutu, va na va vathu vavangi ngutu. Ani Mkoma, ngu mbimo ya kona, ni na ti maha eto.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Vagalatiya 3:29

Se ngako mi di va ka Kristu, ngu konaho mi liveleko la Abrahamu, mi sidya-thomba ngu mhaka ya txithembiso.

Jeremiya 30:19

Ku na huma ngu konemo kudhunda ni mapswi a litsako; ni na va andisa, va si hunguleki; ni na va kulisa, kha va na mbiswa ve kanyiswa.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Jobe 37:12

Sekoko madingano ni txileleto txa txona txa ditshuri, txa ranganyeta direfu ngu kukeluka kasi ku di txi maha ti txi ngadi leleta tona, txitimwi ka mafu o zumba ka ona;

Isaya 4:2

Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala.

Isaya 35:1

Txiwula ni makhalo a kuoma si na tsaka; se ligwangwa li na peka mikulungwani, kambe li na rumbuka nga txiluva.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Ezekhiyele 36:8

Aniko anu mimango ya ka Israyeli, mi na humisa madhavi, mi txi ninga mihando ka vathu vangu va ka Israyeli; nguko va hafuhi ni kuwuya.

Ezekhiyele 36:10

Ni na andisa vathu txitimwi kwanu, ka yotshe nyumba ya ka Israyeli, ina, ka yotshe ngu ditshuri; se madhoropani ku nava ni vo zumba, ni makhalo ale ma nga xaselwa ma na aketwa.