Isaya 27:4 - Bhiblia Yo Sawuleka

⁴ Kha ku nga ni kuhenya kwangu; i mani a ndi no veka sitxhotxhota ni mipa masoni kwangu yimbini kani? Ani ni ndi na va wukela, ni va hisa.

Isaya 27:4 Referans Kwoze

Vahebheru 6:8

Aniko, mafu awa ma humisako mipa ni tikwakwati ma na rukwa, me gwita ngu kuhiswa.

Isaya 10:17

Nguko Liwoningo la Israyeli li na maha mndilo, se Msawuleki wa kona a na nga dikala da mndilo, di na tura di hisa mipa ni txitinga ngu ditshiku dimwedo.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Masalmo 85:3

u emisile kutsukula kwako; u siwukisile dikhulo da kuhenya kwako.

2 Samuwele 23:6

Kambe vanana va Bheliyali votshe va na fana ni mipa yo tshotshwa kule, nguko kha ti koteki ku yi ñola ngu manza.

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Isaya 9:18

Nguko kubiha kuhisa ku nga mndilo, kuhoxota sitinga ni mipa, ina, kudhivela sitinga so txhuma, se wutshi wu kwelela ku nga marefu.

Masalmo 103:9

Kha khali a txi hi kawuka yotshe mbimo, ni dikhulo dakwe kha di simami kala kupinduka;

Isaya 33:12

Se vathu va na nga wuhya wa dibumba, va nahya ngu mndilo, kufana ni mipa yile yi nga gangelwa.

2 Samuwele 23:7

Aniko ni wuhi wule a yi ñolako a fanela kuva ni simbi mwendo donga; se yi hiswa do gwita koneho ngu mndilo.

Jeremiya 29:11

Nguko na tiziva ti ni xuvako tona ngu nganu, kuwomba Mkoma: Maalakanyo a kuthutha, na i si nga a dikhombo, ti taku ni verela masiku matako.