Biblia Todo Logo
Bib sou entènèt

- Piblisite -




Isaya 27:13 - Bhiblia Yo Sawuleka

13 Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Gade chapit la Kopi




Isaya 27:13
51 Referans Kwoze  

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”


Sekoko ka ditshiku da digumi ka mtxhima wa wutxhanu ni yimbidi; i ku ditshiku da hombe da kudivalelwa ka sionho, u na ruma vahuweleli va txi veta mipundu ditikoni kotshe.


Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.


“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,


Ku na maheka taku, votshe vale va no sala, ka otshe matiko ale ma nga lwisa Jerusalema, ma na kwelela dilembe ni dilembe, kuya khozela Mfumeli, Mkoma wa Mabutho a Tiyimbi, ni kuya maha m'buso wa Midhuti.


Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.


Se Sebhaniya, ni Josafa, ni Netaneli, ni Amasayi, ni Zakariya, ni Bhenaya, ni Eliyezeri, vaphaxeli, va ti veta mipundu masoni ka dibhokiso da Txizimu; se Obhedhi-Edhomi ni Jeya, i ti vawoneleli va txike txa dibhokiso.


Aniko ka masiku yawa ku no engiswa dipswi da ngelozi ya wutxhanu ni timbidi, mbimo yi ngelozi yi no veta mpundu wa yona, konako msisalo wa Txizimu wu na va wu di hetisekile, madingano ni ti txona txi nga zivisa ka sithumi sa txona, i ku vaprofeti.”


Dona dipswi di to gela ngelozi ya wutxhanu ni yimweyo, yi nga ti ni mpundu, di txi kha dona: “Thusa tingelozi ta mune ti ti nga sungwa mnamboni ka hombe ka Ewufrate.”


Konako tingelozi ta mtxhanu ni timbidi, ti di ñote mipundu ya mtxhanu ni yimbidi ti to ti lulamisela kasiku ti yi veta.


Konako ni to wona tingelozi ta mtxhanu ni timbidi ti nga ema masoni ka Txizimu, ti txi ningwa mtxhanu wa mipundu ni yimbidi.


nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.


Se na wotisa: Ina kha va tiengisa kani? Kha ditshuri va ti engisile, nguko ti bhatwe taku: “Kutxhumayela kwawe ku pfate ka dotshe ditiko, ni mapswi awe ma hokile magemeta-mitshi ka mafu.”


Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.


Va nata va txi dhudhumela ku nga txinyana, va Egipta, ni ku nga txituvani va ditiko da Asiriya, kambe ni na va maha ve zumba tinyumbani kwawe, kuwomba Mkoma.


Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.


Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.


Se avale va no huluka ditxhari va na khukha ngu ditikoni ka Egipta va txiya ditikoni ka Judha, na i ti vadotho ngu mtengo; se yotshe misalela ya ka Judha yile yi nga wulela ditikoni ka Egipta, kuya luvela kona, yi na tiziva taku ngu kuhi kuwomba ku nga tatiseka, ngwangu mwendo ngwawe.


Se va to wulela ditikoni ka Egipta, nguko kha va engisa dipswi da Mkoma ka Jeremiya, va to hoka Tafinesi.


nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.


Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.


Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.


Kambe Mkoma a na ti kombekisa ka Egipta, se Vaegipta va na ziva Mkoma, ka ditshiku dile; ina, vona va na mkhozela ngu miphaxo ni miningelo, ve maha sixambanyo ka Mkoma, ni ku si vekisa.


Anu motshenu vaaki va matiko, ni nanu vahanyi va ha mafuni, mbimo yi m'jeke wu no gwimbwa mimangoni, mi na wu wona; se ngako ku txi vetwa mpundu, mi na wu engisa.


Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.


Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.


Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.


Va katekile vathu vale va zivako ku kudhumisa, Mkoma, avale va hanyako kuwonekelani ka khohe yako.


Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!


Txizimu txi txhatukile txitimwi hagari ka mikulungwani ni kuvetwa ka mpundu!


Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.


Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.


Se Mkoma a na dayisa Vaegipta e tshumela e va hanyisa; va na hundulukela ka Mkoma, ene a na engisa mikombelo yawe, e va hanyisa.


Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.


Se ku na maheka taku, kukhukhela ka M'buso wa Kumeka ka Mtxima, kala ka wumwani, ni kukhukhela ka Sabbata kala ka yimwani, va nata votshe vathu, ve ta khozela masoni kwangu, kuwomba Mkoma.


Kambe ni na mi thavisa hagari ka vathu, ni txi mi sengeleta ka matiko ale mi nga hangalaka ka ona, ngu dianza da mtamo, ni diwoko do nawulutwa, ni kuhenya ku nga theketwa.


Ni na tsakiswa ngu kubhumula ka miphaxo yanu, mbimo yi ni no mi thavisa hagari ka vathu, ni txi mi wuyisa ngu ka matiko ale mi nga hangalaka ka ona, se ni na sawulekiswa ngu nganu, masoni ka matiko.


Ngu konaho, Mkoma Txizimu a khene: Kona kuwa, ni na tshumela ni wuyisa tikhumbi ta ka Jakobe. Kambe ni na mahela wumbilu yotshe nyumba ya ka Israyeli, ni na emela ditina dangu do sawuleka.


A na gwimba matenda akwe a wukoma hagari ka Linene la hombe, ka mmango wo sawuleka wo tshura ngutu, kambe a naya gwitelwa, kupwateka ni wo m'vhuna.


A womba tiya Mkoma wa Mabutho a Tiyimbi: Wona taku ni na hanyisa vathu vangu, va ditiko da Wutxani ni va ditiko da mswa ditambo;


Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.


Ni na khani ka Wuphemba: Naheta! Ni Wulambwe ku khani: U nga lambe! Wuyisani vanana vangu ngu kule, ni vanana vangu vamahorana, ngu magwito ka mafu,


Nguko ku na hoka ditshiku dile vawoneleli va mimangoni ka Efrayime va no dhana ngu dona, va txi kha vona: Khukhani, ahiyeni Siyoni ka Mkoma, Txizimu txathu.


Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.


Swiv nou:

Piblisite


Piblisite