Isaya 27:10 - Bhiblia Yo Sawuleka

¹⁰ Nguko didhoropa da mtamo di sate dokha, dizumbo do lambwa ni kulekwa kufana ni txiwula; eyo va na dyisela kona marole, kambe ma na otela kona, me dya madhavi a kona.

Isaya 27:10 Referans Kwoze

Isaya 17:2

Madhoropa a ditiko da Aroweri ma na lekwa; ma na lumba mitxhambi, yi na zumba kona, na ku si nga ni wa ku yi dhukisa.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Isaya 17:9

Ka ditshiku dile, madhoropa akwe o tsana ma na fana ni makhalo o lekwa txitingani, mwendo txitimwi ka mimango, ayi yi nga lekwa kale ngu vanana va ka Israyeli; se ku nava ni kuxaselwa.

Ezekhiyele 36:4

ngu tona eto, engisani dipswi da Mkoma Txizimu anu mimango ya ka Israyeli: Mkoma Txizimu a khene ka mimango ni ka simangwana, ka minambo ni ka mikova, ka makhalo a marumbi ni ka txiwunda, ni ka madhoropa ale ma nga lekwa, o ñolwa, a txisekiso ka matiko ale ma nga sala madhawani kwawe.

Sidilo 5:18

Nguko mmango wa Siyoni wu xasetwe, vanyapwe va tsimbila-tsimbila kona.

Sidilo 1:4

Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.

Isaya 64:10

Madhoropa ako o sawuleka ma mahile txiwula; Siyoni a mahile txiwula, Jerusalema a xasetwe.

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.

Isaya 7:25

Ni ka yotshe mimango yile mi tolovelako kudima ngu misuka, kha ku na mbiswa kutsimbila m'thu, ngu mhaka ya kuthava sipopo ni mipa; ku na maha libala la tihomu, kukandetelwa ngu tinvuta.

Isaya 7:21

Se ku na maheka taku, ka ditshiku dileya, ti to m'thu e fuya homu yimweyo ya makati, ni tinvuta timbidi.

Isaya 32:19

hambi kutxiwa maralala, kuwiswa ni txitinga, ni didhoropa di na wiswa do gwita.

Isaya 35:1

Txiwula ni makhalo a kuoma si na tsaka; se ligwangwa li na peka mikulungwani, kambe li na rumbuka nga txiluva.

Isaya 49:21

Se u na khawe mbiluni kwako: I mani a nga ni velekela wuwa kani? Nguko ni ti si nga ni vanana, ni di nokha; ni ti ti khumbi, ni khukha; sekoko, i mani a ngani wunjela vava kani? Wona taku ani ni ti sate nokha; se avava va ti ti hani kani?

Jeremiya 25:37

Hambi makhalo o dyela ka ona a kuthutha, ma loviswa, ngu mhaka ya kutura ka kuhenya ka Mkoma.

Jeremiya 52:27

Se mfumeli wa Bhabhilona a to va dayisa e va daya kona Ribhila, ditikoni ka Hamati; ngu kumaha keto, Judha a to tekwa ditikoni kwakwe e tsuliswa wukhumbini.

Isaya 24:10

Didhoropa da txiwula di khundumusilwe, totshe tinyumba ti vhatwe, kha ku na mbi wulela m'thu ni wammweyo.