Isaya 27:1 - Bhiblia Yo Sawuleka

¹ Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

Isaya 27:1 Referans Kwoze

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

Isaya 66:16

Nguko ngu mndilo ni ditxhari dakwe, Mkoma a na wulela e lamula votshe vathu; se vafi va Mkoma va na mbambamela.

Masalmo 104:26

Konemo kutsimbila sitimela sa mati, konemo a sakanela kona Levhiyatani, mnyoka wa hombe wa linene u nga wu maha.

Jobe 26:13

Ngu Moya wa txona, txi tshurisete nzuma; ngu manza a txona, txi mahile mnyoka wo tsimbila ngu dibindi.

Mtuletelo 20:2

Ngelozi yi to ñola mwamilambo, mnyoka wa kale i ku Dhiyabhulosi mwendo Sathani yi msunga ngu txhini kasi ku e zumba 1.000 wa malembe.

Mtuletelo 19:21

Vamwani va to dawa ngu ditxhari di nga txi huma ngu mkanani ka m'gadhi wa dihantxhi. Se sotshe sinyana si khura ngu nyama yawe.

Jeremiya 51:34

Nebhukodhonosori, mfumeli wa Bhabhilona, a ni vhandamulete, e ni ganyatela, a ni mahile txiya txa diphanga, a ni mitile nga mwamilambo, a tatile mrumbu wakwe ngu silo sangu sa sinene; a ni tshotshile hahanze.

Jobe 40:19

Yona nvuwu mthumo wo khata wa Txizimu; awu a nga yi va nga, a yi ningile matxhari a yona.

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Mtuletelo 17:1

Se yimweyo ka tingelozi ta mtxhanu ni timbidi ti nga ti ñote mtxhanu wa magombe ni mambidi yi to ta yi ta ni gela tiya: “Ngono, ni ta kukomba kulamulwa ka digelegele da hombe, di nga khalahatsha ha mabambe ka mati o tala,

Mtuletelo 16:13

Konako, ni to wona ku txi huma ngu ka mwamilambo, ni mkanani ka txikalani ni mkanani ka mprofeti wa makuhu, mimoya yiraru ya nzambwa nga makhele;

Mtuletelo 13:11

Msana keto, ni to wona tximwani txikalani txi txi huma ngu mafuni: Txi ti ni titxheho timbidi nga txinvutana, kambe txi ti womba-womba nga mwamilambo.

Mtuletelo 13:4

vathu ve khozela mwamilambo, nguko a nga ningela wukoma ka txikalani, ngu msana ve khozela txikalani, va txi kha vona: “I mani a fanako ni txikalani kani, i mani a sikotako kulwa natxo kani?”

Mtuletelo 2:16

Ngu konaho, hunduluka. U si hunduluki, na kuluveta ni txi ku tela, ni ta lwa navo ngu ditxhari da txisofu txangu.

Jeremiya 51:13

O awe u zumbako ka matiko amangi, wa kufuma ngu tithomba! Ma hokile magwito ako, mpimo wa likungo lako.

Jeremiya 47:6

Awe ditxhari da Mkoma! U na humula yihi mbimo kani? Tshumela u txi nga humula msavani kwako, u txi malala.

Isaya 65:25

Dixolwa ni txinvutana si nadya kumweko, se ngonyamo yi na dya mwasi kufana ni homu; se lithulu li na maha sakudya sa mnyoka. Kha si na mbi maha wubihi mwendo kuonha txokari ka wotshe mmango wangu wo sawuleka, kuwomba Mkoma.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Masalmo 45:3

Awe ndena, khweketa ditxhari dako txiwununi; dona da kuhanela ni ku kupfalisa!

Jobe 3:8

Va na di ruke avale va zivako kuruka masiku, va nga ti lulamisela kuhangalasa huwa ya kona.

Jobe 41:1

U nga dota ngwenya ngu tximemba, mwendo u nga sunga lidimi la yona ngu ngoti kani?

Isaya 65:12

kambe ni na mi ningela ka ditxhari, motshenu mi na nama mi dayelwa, nguko ni mi dhani, aniko kha ma xamula; ni wombawombile, kambe kha ma engisa, aniko mi mahile ti i ku to biha masoni kwangu, mi sawute sile ani ni nga si si tsakeli.

Amosi 9:3

Hambi ngako va txo ya barama tshokani ka mmango wa Karmeli, na ya va teka, se ni va thavisa kona niya; se ngako va txi ti sisa ka maso angu hahatshi ka linene, aho koko na ruma mnyoka, se wona u na va luma.