Isaya 26:5 - Bhiblia Yo Sawuleka

⁵ Nguko ene wa wisa vale va zumbako ka makhalo o guleka, kambe didhoropa di di guletwako a na di veka hahatshi, a txi di khundumusela, kala di maha lithulu.

Isaya 26:5 Referans Kwoze

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Jeremiya 51:37

Se Bhabhilona a na maha mmumbu, m'ti wa vamwamilambo, txixamaliso txo vetisa miloti, ku si nga ni muaki ni wammweyo.

Jeremiya 51:64

Se u na khawe: A na bhwabhwamelisa tona tiya Bhabhilona, kha na mbi deluka, ngu mhaka ya wubihi wule ni no wu tisa txitimwi kwakwe, se vona va na karala. Mapswi a Jeremiya ma ema hawa.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Isaya 47:1

Txhika u khalahatsha ha lithuluni, awe wotuma, mwanana wa muhorana wa Bhabhilona; khalahatsha hahatshi; kha ku ngadi ni txitulu txa wukoma, awe mwanana wa muhorana wa Vakaldheya, nguko khu na mbiswa u dhanwa ku umnene, niku u tshurile.

Isaya 32:19

hambi kutxiwa maralala, kuwiswa ni txitinga, ni didhoropa di na wiswa do gwita.

Isaya 14:13

Nguko u ti ti khawe mbiluni kwako: Ni na kwela ni txiya nzumani, na guleta txikhalo txangu txa wukoma, txitimwi ka tinyeleti ta Txizimu.

Isaya 2:12

Nguko ditshiku da Mkoma wa Mabutho a Tiyimbi, di na va do veka hahatshi votshe va va tikulisako ni ku ti dhumisa.

Masalmo 79:8

U nga hi tsayise ngu mhaka ya sionho sa vakale vathu; hi pfele wusiwana ngu kukuluveta, nguko mtamo wathu wu gumile!

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.

Sidilo 2:2

Mkoma a khundumusete yotshe miti ya va ka Jakobe, kha yi pfela wusiwana; kupandisekani kwakwe a khundumusete mikhokhola ya mwanana wa dihorana wa Judha; a txi yi wisa hahatshi; a onhetete wukoma ni vafumeli va kona.

Ezekhiyele 26:11

Ngu sitsendo sa mahantxhi akwe, a na ganyatela totshe tinzila tako; a na daya vathu vako ngu ditxhari, ni tiphande ta mkhokhola wako ti na wa hahatshi.

Isaya 24:10

Didhoropa da txiwula di khundumusilwe, totshe tinyumba ti vhatwe, kha ku na mbi wulela m'thu ni wammweyo.

Ezekhiyele 28:17

Mbilu yako yi gulekile ngu mhaka ya kutshura kwako, u onhile wutxhari wako ngu mhaka ya kuphatima kwako, ni ku tshotshile ha mafuni, ni kuvekile masoni ka vafumeli, kasi kuva txi kuwonetela.