Isaya 26:4 - Bhiblia Yo Sawuleka

⁴ Thembani Mkoma ngu ha ku si gwitiko, nguko Mkoma Txizimu, dirigwi da yotshe mbimo.

Isaya 26:4 Referans Kwoze

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Masalmo 55:22

“Veka wutomi wako manzani ka Mkoma se ene a na kuxayisa, txima kha na mbi leka m'thu wo lulama e xaniseka yotshe mbimo.”

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Masalmo 62:11

Ka sikhati sasingi ni engisile mapswi awa Txizimu txi nga womba txi txi kha txona: “Mtamo wu lumba Txizimu.”

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

1 Samuwele 2:2

Kha ku na wo sawuleka kufana ni Mkoma; nguko kuwalo mmwani hahanze kwako; kha ku na dirigwi ni da dimwedo do fana ni Txizimu txathu.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Masalmo 125:1

Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.

Isaya 17:10

Ngu mhaka yeto, u divate Txizimu txa kuhanyiswa kwako, kambe khwa alakanya dirigwi da mkhokhola wako; ngu mhaka yeto u na phaya mindonga yo tshura, u yi bhiyela ngu mindonga ya vamatiko.

Jobe 9:19

Se ngu mule ka mitamo, txona txi ni mtamo; se amu ka kulamula, i mani a nga ni fananisako natxo kani?

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Masalmo 93:1

Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Masalmo 66:7

Ngu mtamo wa txona txa fuma yotshe mbimo; ngu maso a txona txa xayisa mifumo, ti to sigevenga si si txi wukeli.

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Isaya 30:29

Ku nava ni ndando hagari kwanu, kufana ni wusiku wu ku mahwako m'buso wo sawuleka; ni kutsaka ka mbilu, ko fana ni ku humako mbimo ku yi ku vetwako tshodi, kasi ku ta mmangoni ka Mkoma, ka dirigwi da ka Israyeli.

Isaya 44:8

Mi nga thaveni, kambe mi nga dhudhumeleni, ina kha na mi maha mi tiengisa, niku kha na mi zivisa kani? Nguko anu mi tifakazi tangu. Ina txiho tximwani Txizimu hahanze kwangu kani? Ahim-him! Kha ku nga ni dimwani Dirigwi, ni di zivako.

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Dhaniyeli 3:17

Wona taku Txizimu txathu, a txi athu hi txi thumelako, ngu txona txi no hi hulukisa; txona txi na hi hulukisa txikhoni ka mndilo wu wu turako ngutu, ni manzani kwako, awe mfumeli.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

Masalmo 62:9

Kha ditshuri, vathu va hahatshi mbukanganyisi, se vathu va dihanyo do guleka mba makuhu; va txi vekwa votshe ha txikaloni, kha va nemeli kupinda wukanganyisi.