Kuhenya kwakwe nga mbimo yayidotho dwe, aniko wunene wakwe mbwa yotshe mbimo. Ni wusiku hi otela hi txi dila, kambe ni mixo ha peka mikulungwani ya litsako.
Kambe awe, ngako u txi khongela, wulela nyumbani kwako, seka ditimba, u txi khongela ngu malengo ka Tate wako; se Tate wako a wonako ti ti ku kusisalani a na kutshumetela.”
Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.
Ni engiseni anu vathu vangu, ni ditiko dangu! Riyani tinzeve kwangu, nguko mlayo wu na huma ngu kwangu, ni kululama kwangu ku na maneka i ti liwoningo la vathu.
Ngu kumaha keto, va gele ku khawe: Mkoma Txizimu a womba a khene: Hambiko ni nga va tshotsha kule hagari ka matiko, ni ku ni nga va hangalasa ka matiko, hambi keto, ni na va wukhalo wawe wo sawuleka, ka mbimo yayidotho, ka ona matiko ale va nga ya ka ona.
Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.
Se si to wulela kumweko ni Nowa, matune ni mkati, ka sotshe si i ku sa nyama, nga ti Txizimu txi nga ti leletile ka Nowa; se Mkoma a to seka ditimba da ngalava ngu hahanze.
“Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!
Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.
Nguko kuhenya ka Mkoma ku txitimwi ka otshe matiko, ni txiviti txi txitimwi ka otshe mabutho a ona; ene a ma khundumusile do gwita, kambe asi ningete kudawani.
Eto mi na ti wona, kambe timbilu tanu ti na tsaka, ni marambu anu ma na mana mtamo, kufana ni mwasi wa wuphya; sekoko dianza da Mkoma di na woneka ka sithumi sakwe, se ene a na henyela valala vakwe.
Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.
Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.