Isaya 26:2 - Bhiblia Yo Sawuleka

² Tulani matimba, kasi ku di na wulela ditiko do lulama, dile di xayisako ditshuri.

Isaya 26:2 Referans Kwoze

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Masalmo 118:20

Atxiya ngu txona txike txi yisako ka Mkoma; valulami ngu vona va wulelako ngu ka txona.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Isaya 60:11

Se matimba ako ma nava ma di tulekile, hambi ni wusiku mwendo ni mitshikari kha ma na mbi sekwa, kasi kuve kutisela tithomba ta matiko, ni vafumeli va ona va na tsimbitiswa ngu vona.

Isaya 62:10

Humani, humani ngu sike; longiselani nzila ya vathu; lulametani, lulametani digondo, mi thavisela marigwi ka dona; gwimbani m'jeke ka vathu.

Isaya 62:2

Se matiko ma na wona kululama kwako, ni votshe vafumeli va na wona wudhumo wako; se va na ku dhana ngu ditina dadiphya, adi txisofu txa Mkoma txi no di raya.

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Masalmo 106:5

kasiku ni wona kuhumelela ka vale u nga va sawula, ni txi tsakela makatekwa a vathu vako, ni txi ti guleta kumweko ni vale va kulumbako.

Eksodha 19:6

Aniko anu mi na va mi di mfumo wa wuphaxeli ni vathu vo sawuleka. Mapswi awa ngu ona u no ya va gela vanana va ka Israyeli.”

Mtuletelo 21:24

Mifumo yi na tsimbila yi txi woningwa ngu liwoningo la didhoropa diya, ni vafumeli va mafu va na neha ka dona tithomba ta vona;

Zakariya 8:20

A womba tiya Mkoma wa Mabutho a Tiyimbi: Kambe ku na maheka taku, ku txi ta vathu, ni vale va zumbako ka madhoropa amangi;

Isaya 58:8

Sekoko liwoningo lako li na huma kufana ni wuronga, se kukalamuka kwako ku na mila ngu kukuluveta, ni kululama kwako ku na thangela masoni kwako, se wudhumo wa Mkoma wu na va msana kwako.

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.

2 Pedro 3:13

Hambi keto, athu, kota nga ti Mkoma a nga hi thembisa, hi rinzela tinzuma ta tiphya ni ditiko da diphya, ahawa kululama ku nga aka kona.

Masalmo 24:7

Anu matimba, tulekani ta tinene! Tulekani, anu matimba a kale ti to a na wulela Mkoma wa kudhumiseka!

Masalmo 118:19

Tulelani matimba a Nyumba ya Txizimu, ni lavako kuwulela ni dhumisa Mkoma!

Isaya 45:25

Aniko ka Mkoma li nava li di lulamile ni kutikulisa lotshe liveleko la ka Israyeli.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 62:1

Ngu kuranda Siyoni kha ni na mbi malala, ngu mhaka ya kuranda Jerusalema kha ni na mbi bundama, kala kuza kuhuma kululama kwakwe kufana ni liwoningo, ni kuhanyiswa kwakwe kufana ni txisase txa mndilo.