Isaya 26:19 - Bhiblia Yo Sawuleka

¹⁹ Vafi vako va na hanya, vafi vako va na wuka; vhumukani, kambe giyani, anu mi zumbako lithuluni, nguko mwando wako, awe Txizimu, wu na fana ni mwando wa mwasi, se mafu ma na tshotsha mapune vafi.

Isaya 26:19 Referans Kwoze

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Matewu 27:52

Mathuna me tulekela, se mimidi ya vafi votala va kusawuleka, yi to wuka.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Masalmo 71:20

Awe u nga ni maha ni wona wubihi wawungi ni sixaniso, u na ni ninga kambe wutomi u na ni humisa diphalani ko hokoma ka mafu.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Vafilipiya 3:21

Ene a na phindula mmidi wathu wa wusiwana, a txi wu maha wu txi fanana ni mmidi wakwe wa wudhumo, a txi wu ninga mtamo wo fana ni wule ene a fumako ngu wona sotshe simaha.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Vafilipiya 3:10

Ngu kota yeto, ni na sikota ku m'ziva, ene ni mtamo wa kuwuka kwakwe, ni txi sengela nayo kuxanisekani kwakwe, ni txi dinganiswa nayo kufani kwakwe,

Masalmo 22:15

Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Dhewuteronome 33:28

Israyeli a akile kuxayisekani, txisima txa Jakobe txi zumbisekile, ka mafu a kupfuna fulaho ni vhinya, hahatshi ka nzuma, ayi yi wisako mwando.

Mithumo 24:15

Txithembo txi ni ku natxo ka Txizimu, ni vona va natxo: Ti to vo lulama ni va ku ambi lulama va na wuka ka vakufa.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Dhewuteronome 33:13

Ngu didhawa da Josefa, a ti khene: “Ditiko dako di na katekiswe ngu Mkoma, di ningwa sihiwa so tshura sa nzumani, i ku mwando ni mati awa ma ku kuhokomani ka hahatshi,

Dhewuteronome 32:2

Gondo yangu yi na date nga mati a nzuma, dipswi dangu di na txhike kufana ni mwando, kufana ni dipswhi di tshutshako txitimwi ka diphunde do nakana, kufana ni txyandela txitimwi ka mwasi wo nyuka.

Matewu 27:58

Se a to tsula ka Pilato, eya kombela mmidi wa Jesu. Sekoko Pilato e rumela ti to mmidi wule wu ningelwa kwakwe.

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Jobe 29:19

Mikoloti yangu yi ti ti nava hafuhi ni mati, se mwando wu ti ti zumba txitimwi ka madhavi angu;

1 Samuwele 2:6

Mkoma ngene a thavisako wutomi, kambe ngene a ningako; wa relelisa m'thu dithithani, se e tshumela e m'humisa ka dona.

Masalmo 22:29

Va na m'dhumise ava va nga relela mathowoni; votshe avale vafako va na name masoni kwakwe, nguko ene ngene a ningako wutomi.

Isaya 18:4

Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.

Jobe 14:8

Ku si na mikoloti ya kona mafuni, txitsha txa kona txi na sina lithuluni,

Masalmo 88:11

Ina m'thu a nga sikota kuhuwelela wunene wako diphalani kani? Mwendo kuhuwelela kuthembeka kwako a di mfumoni ka lifo kani?