Isaya 26:13 - Bhiblia Yo Sawuleka

¹³ Awe Mkoma, Txizimu txathu, vamwani vanyamne va tolovela ku hi fumela, aniko athu hi alakanya ditina dako dwe.

Isaya 26:13 Referans Kwoze

Varoma 6:22

Akuwa mi nga thuswa ka txionho mi maha tikhumbi ta Txizimu, mi bhindute mihando yi yi yisako kubasiswani, akuwa ku hokisako ka wutomi wo mbi guma.

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Isaya 2:8

Kambe ditiko dawe di tate ngu sithombe so vatwa; va khizama masoni ka mthumo wa manza awe, masoni ka sile si nga mahwa ngu titiho tawe.

Vahebheru 13:15

Ngu ngene ahi ningeleni yotshe mbimo mhamba yo dhumisa Txizimu, ti ti wombako m'hando wa txisofu txi txi fakazako ditina dakwe.

Amosi 6:10

A wu a no teka sirumbi mwendo awu a no wu hisa, taku e teka marambu e huma nawo nyumbani, a na gela awule a ku magwito ka nyumba a txi khene: Kha ku nga ni m'thu. Se ene a na khene: Malala, nguko hi nga thuke hi gwesa ditina da Mkoma.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Isaya 10:11

Ina tile ni nga maha Samariya ni sithombe sakwe, kha ni na ku ti maha ka Jerusalema ni sithombe sakwe kani?

2 Makronika 12:8

Sekoko mi na maha sithumi sakwe, kasi kuza mi ziva ti to kuthumela ani ni kuthumela mifumo ya ha mafuni ku hambanile.

Joxuwa 23:7

Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

1 Vakorinto 4:7

Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?

Johani 8:32

Mi na ziva ditshuri, se ditshuri di na mi khulula.”

Isaya 26:8

Nzilani ka wulamuli wako Mkoma, ha kuverela; ditinani kwako ni mapimoni kwako, kuho kualakanya ka mihefemulo yathu.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.