Isaya 26:12 - Bhiblia Yo Sawuleka

¹² Mkoma, awe u na hi ninga kudikha, nguko awe ngawe, u nga maha kwathu yotshe mithumo yathu.

Isaya 26:12 Referans Kwoze

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Masalmo 57:2

Ni na dila ka Txizimu, Nyatxitimwi, Txizimu txi txi ni ningako sotshe si ani ni si lavako.

Masalmo 29:11

Mkoma wa ninga mtamo ngamu yakwe; Mkoma a katekisa ngamu yakwe ngu kudikha.

Ezekhiyele 20:14

Ati ni nga maha i mhaka ya ditina dangu ti taku di si nyetiselwi masoni ka matiko ale ni nga va humisa ka ona.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Ezekhiyele 20:22

Aniko ni khwanyetile dianza, ngu mhaka yo randa ditina dangu, kasi ku di si nyenyeziswi masoni ka matiko, ka vale ni nga va humisa ka vona.

Ezekhiyele 20:9

Ati ni nga maha koko, i mhaka ya kuranda ditina dangu, kasi di si ruketelwi masoni ka vamatiko, vale va ku hagari ka vona, avo ni nga ti wonekisa ka vona, kasi ku va humisa Egipta.

Isaya 57:10

U karate amu ka dipfhumba dako do lapha; kambe khu wombi ku khawe: Kha ku na themba; sile u nga ti si lava u si mani; ngu kumaha keto, u nga lwale.

Masalmo 68:28

Txizimu, komba mtamo wako, mtamo wu u nga hi vhuna ngu wona athu.

Masalmo 90:17

Wu nate txitimwi kwathu wunene wa Mkoma, Txizimu txathu. Tsanisa Mkoma, mithumo ya manza athu, ina, tsanisa mithumo ya manza athu!

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Isaya 27:5

Mwendo wa kuhonyola mtamo wangu, a txi va ni kudikha ni nani, ina, a nave ni kudikha ni nani.

Isaya 29:23

Aniko mbimo yile vanana vanu va no wona mthumo wa manza angu, hagari kwawe, va na sawulekisa ditina dangu, ni kusawulekisa Msawuleki wa Jakobe, se va na thava Txizimu txa ka Israyeli.

Isaya 32:18

Vathu vangu va na zumba ditikoni ka kudikha, ka tinyumba to tsana ngutu, ni ka makhalo o humula ngu kuthutha,

Isaya 57:19

Ani na veka mihando ya sisofu: Kudikha, kudikha, ka vale va ku kule, ni ka vale va ku hafuhi, kuwomba Mkoma, kambe ani ni na va kalamukisa.

Mitengo 6:26

Mkoma a na gulete khohe yakwe, e kuninga kuthutha,

Masalmo 57:3

Txona txi na rumela txivhuno txa txona ngu nzumani txi txi ni hanyisa ka vale va lavako ku ni fuvisa; Txizimu txi na rumela lirando la txona ni ditshuri da txona.