Isaya 25:3 - Bhiblia Yo Sawuleka

³ Ngu mhaka yeto, vathu va mtamo va na kudhumisa, se didhoropa da matiko o thisa di na ku thava.

Isaya 25:3 Referans Kwoze

Zakariya 14:16

Ku na maheka taku, votshe vale va no sala, ka otshe matiko ale ma nga lwisa Jerusalema, ma na kwelela dilembe ni dilembe, kuya khozela Mfumeli, Mkoma wa Mabutho a Tiyimbi, ni kuya maha m'buso wa Midhuti.

Zakariya 14:9

Se Mkoma a na maha mfumeli txitimwi ka otshe mafu, ka ditshiku donedo, mmwani a na va Mkoma, se mmwani a na va ditina dakwe.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Ezekhiyele 38:23

Ngu kumaha keto, ni na ti kulisa, ni txi ti sawulekisa, ni na ti zivanekisa masoni ka matiko amangi; se va na tiziva taku ani ngani Mkoma.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Isaya 24:15

Ngu mhaka yeto, dhumisani Mkoma, amu mikovani, ni sitondoloni ka linene, ka ditina da Mkoma, Txizimu txa ka Israyeli.

Isaya 29:5

Se kutala ka valala vako, ku na fana ni lithulu lo hehuka, ni kutala ka sidayi, nga m'vhutunga wu wu pindako; eto ti na maheka ngu mbimo ya txikavikavi.

Mika 7:17

Va na danzela lithulu ku nga minyoka; va na huma ngu makhokholani, kufana ni sihari so tsimbila ngu dibindi na va txi dhudhumela; va nata ka Mkoma, Txizimu txathu, ngu kudhudhumela, na va txi kuthava.