Isaya 24:9 - Bhiblia Yo Sawuleka

⁹ Kha va na mbi sela vhinya, va txi embelela, wusuke wo vila wu na bava, ka vale va no sela.

Isaya 24:9 Referans Kwoze

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Amosi 8:3

Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

Isaya 5:20

Dikhombo ka vale va ku kha vona to biha ndinene, se ta tinene va txi ndo biha! Va tekako txidema ve txi maha kuwonekela, ni kuwonekela ve kumaha txidema, so bava ve si maha so lombela, se so lombela ve si maha so bava!

Masalmo 69:12

Va womba-womba ngu ngani mu tinzilani ka didhoropa ni madevi ma embelela tindando ngu ngani.

Zakariya 9:15

Mkoma wa Mabutho a Tiyimbi a na va vhikela; se va na dya msana ka kuva va di xute valala ngu marigwi a txibhalakaza; kambe va na sela ve maha diguwa nga va to leviswa ngu vhinya; se va na tala nga majingo txiluveloni.

Ezekhiyele 26:13

Se ni na emisa diguwa da tindando tako, ni dipswi da tiharipa tako kha di na mbi pfala kambe.