Isaya 24:7 - Bhiblia Yo Sawuleka

⁷ Dosi ya dila, ni m'vhinya wa guma mtamo, se votshe vale va tsakako timbiluni kwawe, va na keta.

Isaya 24:7 Referans Kwoze

Isaya 16:10

Se kubhuma ni litsako si thavisilwe thembweni ko nona, mivhinyani kha kuembelelwi, kambe kha ku nga ni kutsaka ka hombe ni kakumweko; ni mkami kha na mbi kamela kambe mauvha amu mapipani. Ani ni malatile kutsaka ka hombe.

Isaya 16:8

Nguko tithembwe ta Hesibhoni ni m'vhinya wa Sibhima, si omile; vanyamne va matiko va phayile mindonga yawe ya yinene; va hoka kona Jazeri; va rerela txiwulani; madhavi a kona ma navile, se ma hokile mtxhatuko ka linene.

Jeremiya 7:34

Madhoropani ka Judha, ni mu magondoni ka Jerusalema, ni na malata dipswi da kuzumbiseka, ni dipswi da litsako, ni dipswi da mteki, ni dipswi da mtekiwa; nguko ditiko di na maha dirumbi.

Ezekhiyele 6:14

Se ni na guleta dianza dangu txitimwi kwawe, ni savalisa mafu awe, ma txi maha txisapa ngutu kupinda txiwula txa didhawa da Ribhila, kotshe mu va zumbako kona; se va na tiziva ti to ani ngani Mkoma.