Isaya 24:5 - Bhiblia Yo Sawuleka

⁵ Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Isaya 24:5 Referans Kwoze

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Vahebheru 9:1

Kha ditshuri, txitumelelano txile txo khata txi ti ni mlayo wa maphaxelo a timhamba, ni dithepele da kuakwa muwa mafuni.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Mika 2:10

Khukhani mi tsula, nguko kha ku na mbi va hawa wukhalo wa kuhumula kwanu; ngu mhaka ya wukanganyisi wu hoxotako, ina, wu hoxotako kudotho-kudotho.

Dhaniyeli 9:10

Kambe kha ha engisa dipswi da Mkoma, Txizimu txathu, kuva hi tsimbila amu ka milayo yakwe, yile a nga hi ninga ngu manza a sithumi sakwe, i ku vaprofeti.

Ezekhiyele 20:24

nguko kha va thumisa milayo yangu, kambe va lekile sileleto sangu, ve nyenyezisa Masabbata angu, maso awe ma rendekete ka sithombe sa vatate vawe.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.

Jeremiya 50:5

Va na wotisa va di nzilani ka Siyoni, tikhohe tawe ti na rendekela koneyo, va nata ti pananisa ni Mkoma, ka Txitumelelano txo mbi gwita, txi na kwa mbi dhuka txi divalwa.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Masalmo 105:10

A txi tsanisile txi maha mlayo ka Jakobe, txi maha txitumelelano txo mbi guma ka Israyeli,

Masalmo 55:5

Dizowa ni kudhudhumela si ni kamile ngutu; ni fenengetilwe ngu txidema.

2 Makronika 33:9

Sekoko Manasi a to phazamisa va ka Judha ni vahanyi va Jerusaleema, ve maha kubiha kupinda mifumo yile Mkoma a nga ti ti yi hangalasile masoni ka Vaisrayeli.

2 Samuwele 23:5

Hambi ku nyumba yangu yi si nga ya mamahelo eyo ka Txizimu, kambe txi mahile txitumelelano txa kwa mbi guma ni nani, txi ka sotshe txi no leletelwa ni kuvekiswa. kotshe kuhulukiswa kwangu ni kutsaka kwangu si na va ka txona, hambi ku asi se kumilisa.

Joxuwa 24:25

Ka ditshikudo, Joxuwa a mahile txitumelelano ni vathu; a to va vekela mithetho ni milayo kona Sikemi.

Dhewuteronome 32:20

se a txi womba a txi khene: Ni na va sisela khohe yangu, ni na nga wona ti va no gwitisa tona, nguko vona liveleko lo biha, mbanana vo mbi thembeka.

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

Levhi 20:22

Vekisani koko sotshe sileleto sangu, ni milayo yangu, mi txi yi londeta, kasi ku ditiko di ni mi yisako ka dona kuya zumba kona, di si mi kosi.

Dhaniyeli 9:5

hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;

Ezekhiyele 37:26

Ni na maha navo txitumelelano txa kuthutha; i nava txitumelelano txa kwa mbi gwita; ni na va tsanisa ni va andisa, ni veka nyumba yangu yo sawuleka hagari kwawe yotshe mbimo.

Isaya 9:17

Ngu toneto, Mkoma kha na mbi tsakiswa ngu majaha a dona, kambe kha na mbi va ni wusiwana ni vo felwa ngu vaveleki, ni tinoni, nguko votshe mba magwava, ni wubihi, sotshe sisofu si womba-womba wuphukuphuku. Se ngu mhaka yiya yotshe, kuhenya kwakwe kha ku pindi, aniko dianza dakwe di ngadi nawulutilwe.

Isaya 30:9

Nguko vathu vava mba kaneti, mbanana vo womba-womba makuhu, vanana vo mbi lava kuengisa Mlayo wa Mkoma.

Isaya 33:8

Tinzila ta hombe ti fuvile, va tsimbili va tona va ti lekile, a funyile txitumelelano, e txhipisa madhoropa, kambe kha khatali ngu m'thu ni wammweyo.

Ezekhiyele 16:59

Nguko Mkoma Txizimu a khene: Ni na kumaha tile u nga maha, u nga txhipisa txixambanyo, u txi bhenula txitumelelano.

Levhi 26:35

Di na humulela mndani ka masiku otshe ale di nga ti haxukile, ati ti nga mbi maheka amule ka masiku anu a Masabbata, ka mbimo yile mi nga ti zumbile ka dona.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

2 Vafumeli 21:12

ngu mhaka yeto, Mkoma, Txizimu txa Israyeli a khene: Wona, ni na tisa dikhombo txitimwi ka Jerusalema ni Judha, aha kaku ni wihi a no tipfa, ti na mtinga ka totshe tinzeve tatimbidi.

2 Vafumeli 21:15

Nguko va nga maha wubihi masoni kwangu, ve ni wusela txiviti, kukhukhela ka ditshiku dile vatate vawe va nga huma ngu Egipta, kala nyamsi.

Jeremiya 11:10

Va tshumelete sionhoni ka vakokwani vawe, va va nga lamba kuengisa timhaka tangu. Va londetete simwani sizimu, ve si khozela. Nyumba ya ka Israyeli ni nyumba ya ka Judha ti funyile txitumelelano txangu atxi ni nga txi maha ni vatate vawe.

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.