Isaya 24:4 - Bhiblia Yo Sawuleka

⁴ Mafu ma dila, kambe ma wuna; ditiko da guma mtamo, kambe da wuna; vahombe va vathu va ha mafuni va guma mtamo.

Isaya 24:4 Referans Kwoze

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Isaya 33:9

Ditiko da kuma ni kupeka huwa, Libhanoni a ni tingana, a wunile, Xaroni a hindukile e fana ni txiwula, Bhasani ni Karmeli va zuzilwe.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Jeremiya 4:28

Ngu mhaka yeto, mafu manava ni huwa; ni tinzuma ta txitimwi ti na phuma; nguko ani ni wombile, ni hingana ni di xuvileto. Na mbi hunduluka hambi kutshumelela msana.”

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Isaya 24:3

Otshe mafu ma na sala i di txiwula, otshe ma na handwa, nguko Mkoma a wombile dipswi diya.

Isaya 24:21

Se ku na maheka taku, ka ditshiku dileya, Mkoma a na endela mabutho a txitimwi nzumani, ni vafumeli va mafu, txitimwi ka mafuni.

Sidilo 1:4

Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.

Joyeli 1:10

Thembwe yi fuvisilwe, se mafu ma ha kupandisekani; nguko fulaho yi fuvisilwe, vhinya ya yiphya yi omile, ni mafura ma pwateka.