Isaya 24:3 - Bhiblia Yo Sawuleka

³ Otshe mafu ma na sala i di txiwula, otshe ma na handwa, nguko Mkoma a wombile dipswi diya.

Isaya 24:3 Referans Kwoze

Isaya 24:1

Wonani taku Mkoma wa maha ti to mafu meva txiwula, kambe wa ma kona, wa hindula zumbelo ya ona, e hangalasa vaaki va ona.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

Ezekhiyele 36:4

ngu tona eto, engisani dipswi da Mkoma Txizimu anu mimango ya ka Israyeli: Mkoma Txizimu a khene ka mimango ni ka simangwana, ka minambo ni ka mikova, ka makhalo a marumbi ni ka txiwunda, ni ka madhoropa ale ma nga lekwa, o ñolwa, a txisekiso ka matiko ale ma nga sala madhawani kwawe.

Isaya 22:25

Ka ditshiku dile, kuwomba Mkoma wa Mabutho a Tiyimbi, txipikiri txi txi nga bethelwa ka wukhalo wo tsana, txi na thaviswa; txi na gwandwa txi txiwa, ni sotshe sile si nga ti hayekilwe ka txona, si na pshwitimuka, nguko Mkoma a wombile.

Isaya 21:17

Se mtengo wule wu no sala wa vafuli, tindena ta vanana va ka Kedhari, wu na hungulwa, nguko a wombisile eto Mkoma, Txizimu txa ka Israyeli.

2 Makronika 36:21

kasiku txi na tatiseka dipswi di Mkoma, a di womba ngu txisofu txa mprofeti Jeremiya, kala ku ditiko di txi titsakela ngu Masabbata a dona; di humula mbimo yotshe, kala mu ka mtxhanu wa magumi ni mambidi wa malembe.

Dhewuteronome 29:28

Mkoma a va rurisile ditikoni kwawe ngu kuhenya, ni txiviti, ni kuhenya ka hombe, e va vinza ka dimwani ditiko, nga ti hi ti wonako nyamsi.”

Dhewuteronome 29:23

se dotshe ditiko di hyite ngu txivavula ni mnyu, kha di na mbiswa di txi phawa txilo, kha di na mbiswa di txi mila txilo, hambi ni mwasi kha wu na mbiswa wu txi mila, ku nga kuloviswa ka Sodhoma ni Gomora, Adhimi ni Zebhoyimi, madhoropa ale Mkoma a nga ma lovisa ngu kuhenya kwakwe ni txiviti txakwe;”

Jeremiya 13:15

Riyani tinzeve mi txi engisa; mi nga ti kuliseni, nguko Mkoma a wombile.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Isaya 24:2

Se ati ti no maheka ka vathu, ti na maheka ni ka vaphaxeli; ka txithumi txa wamwamna ni ka nyamne wa txona wa wamwamna; ni txithumi txa txisikati ni ka nyamne wa txona wa wamsikati; ka mxavi, ni ka msavisi, ka wule a lombako, ni ka wule a lombisako; ka m'vili, ni ka wule a vilwako.

Isaya 24:4

Mafu ma dila, kambe ma wuna; ditiko da guma mtamo, kambe da wuna; vahombe va vathu va ha mafuni va guma mtamo.

Mika 2:4

Kedo ditshiku, va na thula divingu txitimwi kwanu, kambe va na wusa txidilo txo thisa, va txi kha vona: Hi hoxotilwe do gwita! A tekile thomba ya vathu vangu! Eto a ni handisako tona! A teka tithembwe tathu e ti abanisela!

Isaya 42:22

Kambe avava mbathu vo pelwa ni kuhandwa; votshe va rinzilwe maphalani, ni kusiswa tinyumbani ka mikora; va ñotwe, kuwalo wo va txhatxhisa; va handwa, kha ku nga ni wo khene: Tshumeta!