Isaya 24:23 - Bhiblia Yo Sawuleka

²³ Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.

Isaya 24:23 Referans Kwoze

Isaya 60:19

Kha di na mbiswa di kuthumela ditambo kasi ku kuwoninga, hambi kuwoningwa ngu mtxima; aniko Mkoma a na va liwoningo lako la kwa mbi guma, ni Txizimu txako mbudhumo wako.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Isaya 13:10

Nguko tinyeleti ta nzumani ni mitxawa ya tona, kha ti na mbi leka kuwoninga, ditambo di na pfhupela kuhumani ka dona, ni mtxima kha wu na mbi woninga.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Mika 4:7

Se avale va nga ti ti khwita ni na va maha miboti, se avale va nga ti ti tsulisilwe kule, va na va ditiko da mtamo; se Mkoma a na fuma txitimwi kwawe mmangoni ka Siyoni, kukhukhela konkuwa kala kupinduka.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

Mtuletelo 19:4

Se madhota a magumi mambidi ni mune, ni sivangwa sa mune so hanya, si to khizama masoni ka Txizimu, txi nga khalahatsha ha txikhaloni ka wukoma, si txi khozela si txi kha sona: “Amen! Haleluya!”

Mtuletelo 14:1

Se ni to wona tiya: Txinvutana txi ti emile txitimwi ka mmango wa Siyoni, kumweko ni 144.000 wa vathu, avava va nga ti bhatwe ha mbanza ditina da Txinvutana, ni da Tate wa txona.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Joyeli 3:15

Ditambo ni mtxima si na maha sa mtima ni tinyeleti ti na thavisa kuwonekela ka tona.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Isaya 52:7

Hi nga kutshura ka yona txitimwi ka mimango mikondo ya wu a zivisako mahungu amanene, a wu a huwelelako kudikha, a zivisako wunene, a pfalisako kuhanyisa, a ku khene ka Siyoni: “Txizimu txako txa fuma.”

Masalmo 97:1

Mkoma wa fuma. Ma na tsake mafu! Si na tsake sitondolo ngu wungi wa sona!

Eksodha 15:21

Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Matewu 6:10

wu nate kwathu Mfumo wako, ku na mahwe kuranda kwako, amuwa mafuni nga nzumani.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Isaya 33:17

Maso ako ma na wona kutshura ka hombe ka Mfumeli, kambe ma na wona ditiko da kule.

Isaya 60:1

Wuka, woninga, nguko liwoningo lako lata, ni wudhumo wa Mkoma wa humelela txitimwi kwako.

Isaya 60:20

Kha di na mbi ngadi di txiswa ditambo dako, hambi mtxima wako kha wu na mbifa, nguko Mkoma i nava liwoningo lako yotshe mbimo, ni masiku a m'zila wako ma na guma.

Ezekhiyele 48:35

Kuranganyetwa ngu 18.000 wa tipimo; kambe ditina da didhoropa kukhukhela ditshiku dile i nava: Mkoma Waho Hale.

Zakariya 14:6

Se ku na maheka ka ditshiku donedo tito, kha ku na mbi va ni kuwoninga ka kunene, hambi kuphuma nga ka hunguva.

Zakariya 14:7

Aniko di na va ditshiku do ziwa ngu Mkoma; kha ku na mbi va ni mitshikari mwendo wusiku; se ku na maheka taku, ngu mbimo ya mitshikari ku nava ni kuwonekela.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.