Isaya 24:2 - Bhiblia Yo Sawuleka

² Se ati ti no maheka ka vathu, ti na maheka ni ka vaphaxeli; ka txithumi txa wamwamna ni ka nyamne wa txona wa wamwamna; ni txithumi txa txisikati ni ka nyamne wa txona wa wamsikati; ka mxavi, ni ka msavisi, ka wule a lombako, ni ka wule a lombisako; ka m'vili, ni ka wule a vilwako.

Isaya 24:2 Referans Kwoze

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.

Sidilo 4:13

Ngu mhaka ya sionho sa vaprofeti ni wubihi wa vaphaxeli vawe, i ku vona va nga daya vathu vale vo lulama va txi theketa mnoha amu m'tini se ku vangekile dikhombo diya.

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Jeremiya 41:2

Se a to khukha Ismayeli mwana Netaniya, kumweko ni vavamna vale va digumi va nga ti ti nayo, va to ya dayisa Gedhaliya, mwana Ahikamu, mwana Xafani, ngu ditxhari; va txi m'dayiseto, awule a nga ti vekilwe txitimwi ka ditiko ngu mfumeli wa Bhabhilona.

Isaya 5:15

Sekoko tinganakana ti na xowoka, ni va va ti guletako, va na wa. Ni maso a vale va ti guletako, ma na wiswa tingana.

Isaya 2:9

Koneho, vathu va na namiswa, tinganakana ti na vekwa hahatshi; ngu toneto kha va na mbi divalelwa.

2 Makronika 36:20

Ava va nga huluka kudawa ngu ditxhari, a to va teka ve yiswa Bhabhilona; se veya mahwa tikhumbi takwe ni ta vanana vakwe, kala ka mbimo ya mfumo wa Persiya,

Genesisi 41:50

Na kusanzi kuhoka malembe a nzala, Josefa a to velekelwa vanana vambidi vavafana ngu Asenati, mwana Potifera, mphaxeli wa Oni.

Isaya 24:3

Otshe mafu ma na sala i di txiwula, otshe ma na handwa, nguko Mkoma a wombile dipswi diya.

Isaya 28:7

Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.

Sidilo 4:6

Nguko wubihi wa vathu va ka kwathu, mbwa hombe kupinda wa Sodhoma, i ku m'ti wu wu nga mwalatwa ngu mbimwanyana, i si nga ngu diwoko da m'thu aniko da Txizimu.

Sidilo 4:16

Kupandiseka ka Mkoma ku va abanisile; ene kha na mbi thuka a di va woni kambe, mwendo kuveka txithavo ka vaphaxeli hambi ka vahombe vawe.