Isaya 24:18 - Bhiblia Yo Sawuleka

¹⁸ Se ku na maheka taku, wule a no tutuma ngu mhaka ya dipswi do dhukisa, a na wela diphalani; ni wule a no huma ngu diphalani, mlawu, wu na m'bzweta; nguko mafasitela a txitimwi ma tulekile, ni makhato a mafu ma zinginika.

Isaya 24:18 Referans Kwoze

Masalmo 18:7

Sekoko mafu ma to zinginika, ma txi dekadeka, makhato a mimango ma to dhudhumela: Ma dhudhumete ngu kuhenya ka Txizimu.

Genesisi 7:11

Ka dilembe diya Nowa a nga tshanganisa 600 wa malembe, a kuhanya kwakwe, ka ditshiku da wugumi ni mtxhanu ni mambidi, ka mtxima wa wumbidi, ku to khulunga mati a minambo yotshe ya kueta ka hahatshi ka mafu, ni mafasitela a nzumani ma to tuleka.

Amosi 5:19

Ku nga m'thu wo tutuma masoni ka ngonyamo, se eya tshangana ni txikakaka, mwendo ku nga o wulela nyumbani, e veka diwoko hadisetani, se e lumwa ngu mnyoka.

Masalmo 18:15

Ku to woneka hahatshi ka linene makhato a mafu ma txi vhunungulwa, mbimo yi di nga pfala dipswi dako do thisa, Mkoma, ni m'hefemulo wa tithonvu tako.

Jobe 20:24

Hambi a nga tutuma e thava matxhari a tisimbi, aniko wulaho wa txikete wu na mfula.

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.

Genesisi 19:24

Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.

Isaya 2:19

Sekoko vathu va na wulela tiphakoni ka marigwi, ni mu ka maphala a mafuni, ngu mhaka ya kuthava Mkoma, ni kudhumiswa ka wuhombe wakwe, ngako a txi khukha kasi kuxamalisa ditiko.

Isaya 2:21

Va na wulela mu ka tifa ta marigwi ni mu ka maphala a mimango, ngu kuthava Mkoma, ni kudhumiswa ka wuhombe wakwe, mbimo yile a khukhako, e xamalisa ditiko.

Isaya 8:14

Sekoko, ene i nava nyumba yanu yo sawuleka, aniko a na maha dirigwi do mi gumula, ni txirigwana txo nyenyeka, ka tinyumba timbidi ta ka Israyeli; mlawu ni likoka ka vaaki va Jerusalema.

Isaya 13:13

Ngu toneto, ni na dhudhumelisa nzuma, ni mafu ma na khukha ha wukhaloni ka ona, ngu mhaka ya kuhenya ka Mkoma wa Mabutho a Tiyimbi, ngu ditshiku da kuhenya kwakwe.

Isaya 42:22

Kambe avava mbathu vo pelwa ni kuhandwa; votshe va rinzilwe maphalani, ni kusiswa tinyumbani ka mikora; va ñotwe, kuwalo wo va txhatxhisa; va handwa, kha ku nga ni wo khene: Tshumeta!

Jeremiya 48:43

Msanekera, diphala ni kuthava sata txitimwi kwako, awe u zumbako Mowabhi, kuwomba Mkoma.

Jeremiya 48:44

Awule a no tutuma ngu msanekera a na wela diphalani, awu a no huma diphalani a na txikwa ngu mkuni; nguko ni na tisa txitimwi kwakwe, txitimwi ka Mowabhi ni vekile dilembe da kuhasamulwa kwakwe, kuwomba Mkoma.

Sidilo 3:47

Kuthava ni diphala si wite txitimwi kwathu, va txi hi xasela ni ku hi lovisa.

Ezekhiyele 11:8

Mi thavile ditxhari, kambe ditxhari ni na di tisa txitimwi kwanu, kuwomba Mkoma Txizimu.

Ezekhiyele 12:13

Kambe ni na mu riyela ngu mlawu, a na bzwetwa ngu mlawu wangu; se ni na mtsulisa Bhabhilona, ditikoni ka Vakaldheya, aniko kha na mbi di wona, hambiko a no ya fela kona.

Ezekhiyele 15:7

Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani Mkoma, aha ni no va ni di va ronokete.

Masalmo 18:8

Wu humile wutshi ngu tithonvuni ka txona ku txi huma mndilo wa luhya ngu txisofuni ka txona; kuhuma kambe ni makala a mndilo wo tura.

Amosi 5:18

Dikhombo ka va va navelako ditshiku da Mkoma! Mi di lavela txani ditshiku di da Mkoma kani? Inava txidema, i si nga da kuwonekela.