Isaya 24:16 - Bhiblia Yo Sawuleka

¹⁶ Kukhukhela magwito ka mafu, hi pfite kuembelala, kaku: Wudhumo ka wule wo lulama; aniko ani ni khani: Na goma, na goma, dikhombo kwangu! Vakanganyisi va kanganyisa, ina, vakanganyisi va kanganyisa.

Isaya 24:16 Referans Kwoze

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Jeremiya 5:11

Nguko nyumba ya ka Israyeli ni nyumba ya ka Judha ti ni ongile ngutu, kuwomba Mkoma!”

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Jeremiya 3:20

Ngu ditshuri nga ha wamsikati a mahako wubhemba ha mwayani kwakwe, ngu toneto, nyumba ya ka Israyeli mi si thembeki kwangu, kuwomba Mkoma.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Mithumo 13:47

Nguko Mkoma a hi rumisile toneto, a txi khene: ‘Ni kuvekile kuva liwoningo ka vamatiko, kasi ku uva wo hanyisa kala magwito ka mafu.’ ”

Marku 13:27

Ene a na rumela tingelozi takwe, ti txi tshanganisa votshe vale va nga sawulwa, va otshe madhawa a mune, kukhukhela magemeta-mitshi ka mafu kala magemeta-mitshi ka nzuma.”

Habhakuki 1:3

Ngu kutxani u ni wonisako to biha kani? U ni wonisako tingana kani? Nguko kuhoxota ni kuxanisa si masoni kwangu; kambe ku ni wule a wusako dizunga ni mnandu.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

Hoseya 5:7

Ngu wubihi va ti hambukisile ka Mkoma, nguko va velekile vanana va wugango; se konkuwa, mtxima wo ngadi kumeka, u na va lovisa ni tithembwe tawe.

Sidilo 1:2

Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Isaya 48:8

Hambi awe khwa tipfa, hambi ku tiziva, ni ka kudotho kukhukhela kale kha ya tulwa nzeve yako, nguko ani ni txi tiziva taku, khu na kuthembeka, ni ti to u txi ndaka-milayo kukhukhela mndani ka mame wako.

Isaya 28:5

Ka ditshiku dile, Mkoma wa Mabutho a Tiyimbi, a na va i ti m'bhoti wa wudhumo, ni m'bhoti wo tshura ka misalelwa ya vathu vakwe.

Isaya 26:15

Awe Mkoma, u engetete vathu vava, awe u engetete vathu vava, u ti mahile wa wudhumo; kambe u va tshotshile kule, ka yotshe mihingano ya mafu.

Isaya 17:4

Se ka ditshiku donedo ku na hungulwa wudhumo wa Jakobe, ni mafura a mmidi wakwe ma na txutxeka.

Isaya 10:16

Ngu toneto, Mkoma wa Mabutho a Tiyimbi, a na gomisa vale i ku vo ena hagari kwawe, se hahatshi ka wudhumo wa kona ku na tura, kufana ni kutura ka mndilo.

Masalmo 106:15

Txizimu txi va ningile asi va nga kombela, aniko txi va pekile ngu mtungu mimindini kwawe.

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

Masalmo 67:7

Txizimu txi na hi katekise! Mafu otshe ma na txi thave!

Masalmo 58:10

Mlulami a na tsaka, ngako a txi wona kuphotelwa a na samba mikondo yakwe ngu mnoha wa vabihi!

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Jeremiya 12:1

Wa kululama ngutu ngawe, Mkoma, hambi ni txo kanetisana ni nawe; hambi keto, ni na bhula ni nawe ngu malamulelo ako. Ngu kutxani va kubiha ve humelela kani? Va kateka ngu kutxani votshe va va nga mbi thembeka kani?

Levhi 26:39

Va ka kwanu, avale va no va i di misalela amu ditikoni ka valala vanu, va na nyameka kudotho-kudotho, ngu mhaka ya wuphuta wawe, amu ditikoni ka valala vawe, kambe va na goma ngu mhaka ya wubihi wa vatate vawe.

Masalmo 65:8

Hambi ni vale va nga aka ka matiko a kule va dhudhumela masoni ka sidiwukiso sako; simaho sako si tisa mikulungwani ya litsako kukhukhela makhatoni kala magwito ka ditiko.

Masalmo 119:158

Ngako ni txi wona sindaka-milayo, na pandiseka, nguko kha si xayisi mithetho yako.

Isaya 11:12

Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Habhakuki 1:13

Awe u ni maso amanene, ma si dinganiko kuwona to biha, kambe khu tumeli ni kuwona tingana; ngu kutxani koko, u wonako vale va mahako ta walo, u malala, ngako m'bihi a txi mita wule wo lulama kupinda ene kani?

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.