Isaya 24:15 - Bhiblia Yo Sawuleka

¹⁵ Ngu mhaka yeto, dhumisani Mkoma, amu mikovani, ni sitondoloni ka linene, ka ditina da Mkoma, Txizimu txa ka Israyeli.

Isaya 24:15 Referans Kwoze

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Isaya 60:9

Ngu ditshuri, sitondolo si na ni verela, se kukhata, nzitimela sa Tarxixi, si no neha vanana vako, vale vatako ngu kule, va nata ni nzalama yawe ni silivhela yawe, kusawulekisani ka ditina da Mkoma, Txizimu txako, ni Msawuleki wa Israyeli, nguko a ku dhumisile.

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Isaya 49:1

Ni engiseni anu sitondolo, pfisisani anu vathu va kule! Mkoma a ni dhani, kukhukhela mndani ka mame wangu, kukhukhela msembeni ka mame wangu, a ni rayile ditina.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Isaya 42:4

Kha na mbi pwateka, kambe kha na hambi funywa, kala kuza e veka wululamo ha mafuni. Se sitondolo si na vereka mlayo wakwe.

1 Pedro 3:15

Dhumisani Mkoma Kristu timbiluni kwanu; mi zumba kambe mi di longile nzila ya kutiangulela, ngu kuthutha ni txithavo, ka wuhi ni wuhi a no lava kuziva mhaka ya themba yanu.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Mithumo 16:25

Hagari ka wusiku, Paulo ni Silasi va ti khongela, ve embelela tindando ta kudhumisa Txizimu; se ava va nga ti seketwe navo va to va engisa.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Isaya 41:5

Sitondolo si ti woni, si thava; mafu otshe ma to zinginika, si to tshuketa, si txi ta.

Isaya 25:3

Ngu mhaka yeto, vathu va mtamo va na kudhumisa, se didhoropa da matiko o thisa di na ku thava.

2 Vatesalonika 1:12

Ngu nzileyo, ditina da Mkoma wathu Jesu Kristu di na dhumiswa kwanu, na nanu mi na dhumiswa, madingano ni kateko ya Txizimu txathu, ni ya Mkoma Jesu Kristu.

Esteri 10:1

Msana ka tiya, mfumeli Asuwero a to resisa ditiko ni sitondolo sa lineneni.

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Isaya 26:8

Nzilani ka wulamuli wako Mkoma, ha kuverela; ditinani kwako ni mapimoni kwako, kuho kualakanya ka mihefemulo yathu.

Isaya 42:12

Ningani wudhundo ka Mkoma, mi zivisa wudhumo wakwe mu ka sitondolo.