Isaya 24:11 - Bhiblia Yo Sawuleka

¹¹ Ku ni tihuwa amu ka tinzila ta hombe, ngu mhaka yo lava vhinya; kotshe kutsaka ku phumile, ni misakano ya mafu yi gumile.

Isaya 24:11 Referans Kwoze

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Luka 16:25

Abrahamu a xamute a txi khene: ‘Mwanangu, alakanya ti to awe u amukete mathomo ako kuhanyani kwako, aniko Lazaro ene a amukete sixaniso; se konkuwa ene wa mana kuruliswa mbilu, aniko awe wa mana sixaniso.

Joyeli 1:15

Yowe! Ditshiku dile! Nguko ditshiku da Mkoma di hafuhi, di nata kufana ni kufuvisa ka wu wa Mtamo-wotshe.

Jeremiya 48:33

Kutsaka ni kunengela si thavisilwe thembweni ko nona ni ditikoni ka Mowabhi; nguko ni mahile ti to yi guma vhinya mapipani: Kha va na mbi rukuta mauvha ngu kutsaka: Kutsaka ku na maha tihuwa.

Isaya 32:13

Txitimwi ka ditiko da vathu vangu, ku na mila sihaha ni sitxhotxhota, kumweko ni txitimwi ka totshe tinyumba to tsaka ka tona, ka didhoropa di di ndakandakako ngu kutsaka.

Isaya 16:10

Se kubhuma ni litsako si thavisilwe thembweni ko nona, mivhinyani kha kuembelelwi, kambe kha ku nga ni kutsaka ka hombe ni kakumweko; ni mkami kha na mbi kamela kambe mauvha amu mapipani. Ani ni malatile kutsaka ka hombe.

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

Isaya 8:22

Se va txi wonetela ha mafuni, ku nava ni tshani ni txidema, va na xaniseka ve ndindelwa txidemani.

Mavingu 31:6

Ningani so sela ka vale va lovako, ni vhinya ka vale va si tsakiko dihikani kwawe;

Masalmo 144:14

Tihomu tathu ti na have kwati, ti txi ena. Mikhokhola yathu kha ya dolwa, kha ku nga ni kuyiswa kupayulwani, kha ku nga ni kudila maphangoni kwathu.

Jeremiya 14:2

Judha wa dila, miti yakwe yi gumile mtamo, va khalahatsha na va di ambate mizila; Huwa ya pfala ngu Jerusalema.

Jeremiya 46:12

Matiko ma pfite kuwombwa ngu tingana tako, ni mafu ma tate ngu huwa yako, nguko ndena yi humbilwe ngu yimwani, ti tshumela ti txi wa totshe.

Joyeli 1:12

M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.

Isaya 32:10

Nguko msana ka dilembe ni masikwanyana, mi na karatwa anu vavasikati vo ti themba; nguko kuhaphelwa ka mihando ku na gwita, hambi kufunyelwa kha ku na mbiswa ku diho.