Isaya 24:10 - Bhiblia Yo Sawuleka

¹⁰ Didhoropa da txiwula di khundumusilwe, totshe tinyumba ti vhatwe, kha ku na mbi wulela m'thu ni wammweyo.

Isaya 24:10 Referans Kwoze

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Luka 19:43

Nguko ma nata masiku txitimwi kwako, aawa valala vako va nota kubhiyela ngu ona, ve kuranganyeta, ve ku tsivela ngu otshe madhawa.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Mika 2:13

Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.

Jeremiya 52:7

ku to tuleka lisoko lo kari didhoropani, se votshe valwi va yimbi va to thava, ve huma ni wusiku, ngu nzila ya txike, hagari ka maguma mabidi ma nga txi maneka thembweni ka mfumeli (nguko Vakaldheya va txi lwa ni didhoropa), va tutumile ngu nzila ya mkovani.

Jeremiya 39:8

Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.

Jeremiya 39:4

Ku ti ngako Zedhekiya mfumeli wa ka Judha, ni votshe valwi va yimbi va di va wonile, va to pfodola ve huma didhoropani ni wusiku, ngu nzila ya thembweni ka mfumeli, ngu ka txike txi txi ku hagari ka maguma mambidi, ve huma ngu nzila ya Arabha.

Isaya 34:11

Aniko disekwa, ni nungu, si na zumba kona, se disukulu ni digwana si na aka kona, kambe ene a na gwimba ngoti ya tipfilupfilu, ni txidinganiso txa mipimiso yo biha.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Isaya 27:10

Nguko didhoropa da mtamo di sate dokha, dizumbo do lambwa ni kulekwa kufana ni txiwula; eyo va na dyisela kona marole, kambe ma na otela kona, me dya madhavi a kona.

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.

Isaya 24:12

Didhoropani ku to sala kukoneka dwe, ni matimba a dona ma fayetetwe.

Isaya 23:1

Mahungu a Tiro. Pekani huwa, anu mi ku sitimelani ka Tarxixi, nguko a xasetwe, aha koza ku si sali ni nyumba kwakwe, se kha ku nga ni ko a nga wulela ni wammweyo; kukhukhela ditikoni ka Kitimi, va zivisilwe tiya.

2 Vafumeli 25:4

sekoko didhoropa di to khundumuswa, se votshelele valwi va yimbi va to tutuma ni wusiku ngu haditimbani diku hagari ka maguma mambidi hafuhi ni thembwe ya mfumeli (nguko Vakaldheya va ti ti randete didhoropa ngu hahanze); se mfumeli a pfhukile ngu nzila ya libalani.

Genesisi 11:9

Ngu mhaka yeto, m'ti wule wu dhanwa ku i Bhabheli, nguko ngu koneyo Mkoma a nga hambanisa kuwombawomba ka vathu va mafu otshe, kambe ku khatete koneyo ku hangalaswa ka vathu ni dotshe ditiko ngu Mkoma.

Isaya 32:19

hambi kutxiwa maralala, kuwiswa ni txitinga, ni didhoropa di na wiswa do gwita.

Isaya 26:5

Nguko ene wa wisa vale va zumbako ka makhalo o guleka, kambe didhoropa di di guletwako a na di veka hahatshi, a txi di khundumusela, kala di maha lithulu.