Isaya 23:9 - Bhiblia Yo Sawuleka

⁹ Mkoma wa Mabutho a Tiyimbi, ngene a nga lulamisa txikungo txiya, kasi kuonha ku tikulisa ka sotshe siphatiphati, ni kuveka hahatshi vale vo dhundeka ngutu va ha mafuni.

Isaya 23:9 Referans Kwoze

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Isaya 2:11

Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Vaefesu 3:11

madingano ni makungo awa Txizimu txi nga ti ma vekile, ayawa txi nga ma wonekisa ngu Kristu Jesu Mkoma wathu.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Jeremiya 51:62

Kambe u na khawe: Mkoma! Awe u wombawombile ngu wukhalo wuwa, ti taku u na wu fuvisa, ku na za ku si sali ni wammweyo wo zumba, hambi m'thu mwendo txihari, aniko ku na maha marumbi o gwita.

Isaya 14:27

Nguko Mkoma wa Mabutho a Tiyimbi a tsanisile; i mani koko a no kaneta kani? Se a guletile diwoko dakwe; i mani koko a ngadi tshumetelako msana kani?

Isaya 14:24

Mkoma wa Mabutho a Tiyimbi a xambanyile, a txi khene: Ati ni nga ti pimisa ti na mahisa toneto; se ati ni nga womba ti na mahekisa toneto.

Isaya 10:33

Se wona taku, Mkoma, Txizimu txa Mabutho a Tiyimbi, a na dunguruta madhavi ngu kuthisa, se ale o lapha ma na gangwa, vale vo ti guleta va na wiswa.

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

Isaya 5:13

Ngu kumaha keto, vathu vangu va na yiswa wukhumbini ngu mhaka ya kwa mbi ziva, vathangeli vawe va na fa ngu nzala, ni dibutho da vathu di na oma ngu ditora.

Isaya 2:17

Kutikulisa ka m'thu ku na vekwa hahatshi, ni kutikukumukisa ka wamwamna, ku na wiswa hahatshi; Mkoma ngene dwe a no guletwa ka ditshiku donedo.

Masalmo 107:40

Aniko Txizimu txi nyenya vaxanisi txi va pengapengisa txiwulani ko mbi na tinzila.

Jobe 12:21

Txa theketa kutxhipa txitimwi ka vathangeli, txo dheseta siwunu sa va mtamo.

Isaya 14:26

Ngu txona txikungo txi txi nga sungwa txitimwi ka otshe mafu, adiya dianza di nga nawulutwa txitimwi ka matiko otshe.

Isaya 23:10

Tshawunyeta kufana ni Nilo, ngu ditikoni kwako, awe mwanana wa muhorana wa Tarxixi; kha ku ngadi ni libhande madhawani kwako.

Isaya 32:13

Txitimwi ka ditiko da vathu vangu, ku na mila sihaha ni sitxhotxhota, kumweko ni txitimwi ka totshe tinyumba to tsaka ka tona, ka didhoropa di di ndakandakako ngu kutsaka.

Jeremiya 13:9

Mkoma a khene: Nga toneto, ni na sinisa kutikulisa ka Judha, ni kutikulisa ka hombe ka Jerusalema.

Obhadhiya 1:2

Wona taku ni kumahile wam'dotho hagari ka matiko; awe wa eyiseka ngutu.

Eksodha 8:4

“Makhele ma na maneka txitimwi kwako, txitimwi ka vathu vako ni txitimwi ka mahalamu ako otshe.”

Isaya 2:12

Nguko ditshiku da Mkoma wa Mabutho a Tiyimbi, di na va do veka hahatshi votshe va va tikulisako ni ku ti dhumisa.