Isaya 23:8 - Bhiblia Yo Sawuleka

⁸ I mani a nga lulamisa txikungo txo wukela Tiro, didhoropa da mibhoti, adi vaaki va dona i ku vathangeli, ni vanyamabhindu va dona i ku vo dhundeka ha mafuni kani?

Isaya 23:8 Referans Kwoze

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Isaya 36:9

U ndi na mahisa kutxani, kutshemberisa khohe ka mthangeli mmweyo dwe wam'dotho, ka sithumi sa nyamne wangu, u themba Egipta, ngu mhaka ya sikotxikani ni vagadhi va mahantxhi kani?

Isaya 10:8

Nguko a khene: Vathangeli vangu votshe hi nga vafumeli kani?

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Ezekhiyele 26:12

Se va na pa tithomba tako, va txi handa siya sako, ve khundumusela maguma ako, ni kukhundumusela tinyumba tako ta lisima; ni marigwi ako, ni mapulango ako, se lithulu lako va na li xwaya hagari ka mati.

Nahume 3:16

Mbavangi ngutu vanyamabhindu vako kupinda tinyeleti ta nzumani; humbi yi na anda yi txi puruma.

Zakariya 9:3

Se Tiro a ti akete mikhokhola ni kusengeleta silivhela ku nga lithulu, ni nzalama yo hehuka ku nga lidhaka la hanzila.